İrannıñ Atom idaräse başlığı Ğöläm-Riza Aqazade, İran 3 Yevropa ile belän kileşü nigezendä, uran bayıtu eşlären tuqtatu yöklämälären uti, dip belderde. Britaniä, Fransiä häm Germaniä belän söyläşülärdä İran bu eşlärne irtägädän başlap tuqtatırğa wäğdä itkän ide. Saniagoda barğan Azia-Tın Okean sammitında, Quşma Ştatlar prezidentı George Bush, İran, uran bayıtu eşlären köçäytep cibärgän, digän xäbärlär bar dide. Ğöläm-Riza Aqazade bu xäbärlärne kire qaqtı.
