Accessibility links

шимбә, 3 декабрь 2016, Казан вакыты 20:52

Idel jurnalı üzeneñ 15 yıllığın bäyräm itte


Düşämbe kiçendä İdel jurnalı üzeneñ 15 yıllığın bäyräm itte. Qazannıñ Ğäliäskär Kamal isemendäge teatrında älege uñaydan küpsanlı qunaqlar – yazuçılar, artistlar, şağirlär – tatar zıyalıları cıyıldı. 23 noyäberdä isä Ğabdulla Tuqay muzeyında tanılğan tatar şağire, ictimaği eşleklese Därdmänneñ 145 yıllığına bağışlanğan kürgäzmä açıla. İl korabın cil sörä dip isemlängän älege ekspozitsiädä bilgele şäxesneñ fotoları, Milli muzey arxivında saqlanuçı dokumentlar täqdim itelä, dip yaza İntertat elektron gäcite. 21 noyäberdä Qazanda Qor’än uquçıları bäygese tämamlandı.

Tatarstanğa da nihayät salqınnar kilep citte. Xäyer, xalıq tormışına bu ällä ni zur üzgäreş kertmäde. Alay da, respublika kisken genä yul häläkätlär sanı arttı, Qazanda tayğaqta yığılıp zıyan kürüçelär öçen östämä travmatologiä punktı açıldı. Bu aralarda Tatarstanda ayıruça iğtibar cälep itärlek säyäsi yäki sotsial, iqtisadi çaralar da uzmadı. Uzğan atnada ütkän Äcerbäycan respublikasınıñ Rusiädäge ilçese Rämiz Rizaevnıñ Tatarstanğa vizitınıñ berençe näticäläre bilgele buldı. Alar Çallıdan 450 KamAZ yök maşinasın satıp alırğa teläk beldergännär, neft’ ximiäse tarmağındağı qayber respublika citeşterüçeläreneñ täqdimnäre dä Äzerbäycan wäkillärendä qızıqsındıru tudırğan. Ä Tatarstan belän Qıtay respublikaları mäğärif ölkäsendä ikeyaqlı xezmättäşlek turında kileşende. Bu xaqta Qıtay respublikasınıñ pedagogik tikşerenülär buyınça Üzäk institutı wäkilläre Qazanğa kilgäç kileşende.

Tatarstan prezidentı Mintimer Şäymievkä bu könnärdä çirattağı büläk tapşırıldı. Bu yulı ul Rusiä milli Olimpı premiäse belän büläklände. Şäymiev Prezident-2004 nominatsiäsendä ciñep çıqqan. 20 noyäberdä Mäskäwneñ Kreml’ sarayında uzğan premiälärne tapşıru tantanasında Tatarstan prezidentı öçen büläkne Tatarstannıñ wäkile Näzif Mirixanov aldı, dip xäbär itä Tatar-inform agentlığı.

Gölnaz İlgizär

XS
SM
MD
LG