Rusiä prezidentınıñ härber adımı , süze Başqortstan citäkçeläre tarafınnan xuplap qabul itelä.Uzğan atna Putin Däwlät dumasındağı “Berdäm Rusiä“ firqäse fraqsiäse deputatları belän oçraşqaç , Federätsiä sowetın tergezü kiräklegen äytkän ide.Başqortstan Prezidentı moña xuplaw belderde.Ul töbäk häm qanunnar çığaru cıyılışları räislärennän tözeläçäk Federätsiä sowetı Rusiä Prezidentına zur teräk bulaçaq dip bilgelägän.Bu xaqta “İnterfaqs“ ağentlığı xäbär itte.Başqortstannıñ däwlät cıyılışı räise Kostantin Tolkçev ta älege başlanğıçnı xuplawın beldergän.
Respublika prezidentı Mortaza Räximov “Lukoil“ açıq aksionerlar cämğıyate prezidentı Wağit Alikperov belän oçraştı.Uzğan atna axırı bulğan bu oçraşuda Blağoweşçenskiy şähärendä tözelep betep kilüçe “Polief“ kombinatı yazmışı xaqında süz barğan.Alikperov kombinatnı “Lukoil“ qaramağına birü mäsäläsen kütärgän.Ul oçraqta berniçä yıldan rentäbellekkä ireşep bulaçağın ışandırğan.Berniçä ay elek “Gazprom“ da şundıy teläk beldergän ide.
Bertörkem eşquarlar Hindstanğa kitte.Alar anda ber atna bulıp Dählidä açılaçaq Xalıqara yärminkädä bulaçaq , şulay uq “Hindstannıñ globäl sammitı“ dip atalğan fänni-ğämäli konferensiä eşendä qatnaşaçaq.
