Accessibility links

сишәмбе, 6 декабрь 2016, Казан вакыты 23:01

Tähran uran bayıtu eşen tuqtataçağın belderä


Xalıqara Atom Energiäse İdaräse başlığı Möxämmät äl-Baraday İrannıñ uran bayıtunı tuqtatu qararına, bu döres yünäleştäge adım bulaçaq dip xuplaw belderde. äl-Baraday monı BBC radiosına äytte. Bügen İran Britaniä, Fransiä häm Germaniä belän kileşü nigezendä uran bayıtu eşçänlegen tuqtatu öçen birelgän waqıt qısaların xörmät itüen belderde. äl-Baraday İrandağı räsmi iğlan itelgän uran matdäläreneñ berse dä atom qoralı yasawğa yünälderelmägän dip isäpläwen äytü belän bergä, İranda yäşeren eşçänlek alıp barılmawın garantiäläw öçen äle bik küp tırışası bar dide. Britaniä premyer ministrınıñ räsmi wäkile İrannıñ wäğdäsenä saqlıq belän genä xuplaw belderde. Ul Britaniä Atom İdaräseneñ İranda çınnan da uran bayıtu tuqtaluın raslar dip ömetlänä dide. Bu pänceşämbedä BMO Atom İdaräseneñ mödirlär şurası İrannıñ atom programması mäs'äläsen qararğa cıyına. AQŞ İrannı yäşeren räweştä atom qoralı yasarğa tırışuda ğäyepläp İranğa qarşı çikläwlär mäs'äläseneñ BMO İminlek Şurasında qaraluına ireşergä tırışa. İran urannı barı tik energiä alu öçen genä faydalanırğa teläwen belderä.

XS
SM
MD
LG