Accessibility links

дүшәмбе, 5 декабрь 2016, Казан вакыты 03:26

Yevropa Berlege Ukraina saylawlarında xärämläşelde digän qaraşta


Gollandiä tışqı eşlär ministırı Bernard Bot Yevropa Berlege Ukrainadağı ikençe tur saylawlarğa xärämläşelgän dip qarıy dide.Bot Berlek prezidentlığı isemennän yasağan belderüdä blok Viktor Yanukoviçnı ciñüçe dip tanımıy dide.Yevropa Berlege eçendäge törle illär Ukrainanı monıñ çağılışları bulaçaq dip yanadı.

Yevropa Berlege Ukrainadağı saylaw näticälären tänqitläw öçen ğädättän tış kisken tel qullandı.Berlekneñ älege prezidentı Gollandiäneñ tışqı eşlär ministırı Bernard Bot kiçä Brükseldä bloknıñ tışqı eşlär ministırları cıyılışında (audio) Bez bu näticälär belän nıq mäşğül bulabız, alar xalıqara standartlarğa kileşle tügel, bez Yevropa oyışmaları konteksında çaralar küräçäk xökümät belän, başqalalardağı Ukraina ilçeläre belän elemtägä keräçäkbez ,bez bu näticälärgä xärämläşelgän dip qarıyby häm bez näticälärne qabul itmibez digän kündermä cibäräbez . Bot süzlärençä Yevropa Berlege Ukraina xökümätenä saylaw prosesın häm näticälären yañadan qarap çığıgız dip möräcäğät itkän inde.Ämma ministır bu turıda detalle mäğlümät birmäde.Bot ayruça bez älege mizgeldä başqala Kievtä Yuşçenkonı yaqlap cıyılğan unmeñnärçä keşegä ber nindi bulışlıq kürsätä almıybız ,bez sonğı näticäne kötäbez häm mäsäläne bu atnada Rusiä belän bulaçaq sumitta da kütäräçäkbez dip söyläde.Bu Mäskäü belän bolay da qatmarlı bulğan mönäsäbätlärne tağı da qatmarlandıra ala . Rusiä ütkän ayda Berlek belän ber summitnı kiçekterde inde Yevropa Komisiäseneñ oyışıp citmäwen sıltau itep qullanğan Mäskäü söyläşergä ber keşedä yuq dip äytkän ide.Yevropa diplomatları prezident Putin üzendäge keşe xoquqları probleması turında söyläşergä telämi digän qaraşta. V.Putin saylaw aldı kampaniäse barğanda 2 märtäbä Ukrainda bulğan häm açıqtan açıq premyer Yanukoviçnı yaqlawın kürsätkän ide.Könbatış mätbuğatna qarağanda, Yevropa diplomatları Germaniä,Fransiä İtalia kebek illär Ukraina saylawlarında Rusiäneñ role turında sorawlar birügä qarağanda Mäskäw belän yaxşı mönäsäbätlärdä torunı östenräk kürä dip uylıy. Polşa Ukrainanıñ kiläçäge häm Rusiäneñ bu ildäge säyäsätenä nıq borçıla .Bu turıda xäzer Yevropa Parlamentında utırğan Polşanıñ eleke saqlanu ministırı Janusz Onyszkiewicz ägär dä Rusiä Ukrainada östenlek urnaştırsa , bu yaña imperialistik tendensiälärneñ kütärelüenä yul quya ala, Mäskäü Ukrainada telägenä ireşsä Belarus Moldova häm Kafkazdağı başqa illär çiratta toraçaq dip söyli. Könçığış Tikşerüläreneñ Warşau Üzägendä Ukraina analitığı Tadeusz Olszanski ildä närsä bulaçağın aldan äytü qıyın , Ukraina öçen mömkinleklär koridoru bik tar .Ukraina Rusiä belän şulayuq könbatış belän yaxşı mönäsäbätlärdä torırğa tieş . Yäşäp qalu öçen ul ikesenä dä moxtaç , ideal tsenaryolar yuq. Xalıqara qabul itelgän prezident Polşanıñ mänfäğätlärenä turı kiler ide dip söyli. Xalıqara Mäsälälär öçen Şwedsiä İnstitutı direktorı Anders Melllbourn äytüençä, Yevropa Berlege Ukraina, Moldova häm Belarusta yaña kürşelär säyäsäte alıp barırğa cıyına ämma ul äğzalıq öçen bernindi perspektiva täqdim itmi.Yevropa Parlamentınıñ tışqı mäsälälär komitetı citäkçese Elmar Brok ägär dä Ukrainada saylawlarda xärämläşelgäne isbatlansa , monıñ säyäsi näticäse bulaçaq dip belderde. Brok Berlekneñ yaña kürşelär säyäsätenä esasän biräçäk finans yardämen parlament tuqtata ala dip işarä itte Brok tağı Yevropa Berlege illärendäge Ukraina ilçelären komitet aldına çaqırıp xärämläşü ğäyepläwläre turında söyläşäçäkbez dide färidä xämit
XS
SM
MD
LG