Accessibility links

чәршәмбе, 29 март 2017, Казан вакыты 16:22

Fändäs Safiullin : «Latin frontı» xalıqara oyışmalarğa möräcäğät itäçäk


23 noyäberdä, «Rossiskaya gazeta» digän räsmi basmada Konstitutsion mäxkämäneñ mäğlüm qararı basılıp çıqtı. Süz Tatarstan wäkilläre möräcäğäte belän qaralğan mäxkämä eşe turında bara. Belgänegezçä, Konsitutsion mäxkämä latin grafikasın tıydı, ä tatar telen urıs tele belän ber däräcädä öyränü qanunğa turı kilä, digän näticä çığardı. 23 noyäberdä basılıp çıqqan qararda äytelgänçä, Konstitutsion mäxkämä qararı belän riza bulmıyça şikäyät birergä röxsät itelmi häm ul, iğlan itelgäç uq, ğämälgä aşırılırğa tieş. Ämma tatar zıyalıları mäxkämä qararı belän kileşmi. Qarşılıq belderüçelärdän torğan «Latin frontı» oyışıp kilä, digän xäbärlär buldı. Fändäs Safiullin añlatqança, millätneñ yazmışı xäl itelä torğan sızıq barlıqqa kilde, şuña, berläşmäğä front iseme birelde.

Frontqa, här xalıq üzeneñ telenä xuca bulırğa tieş, digän fikerdä tora torğan oyışmalar kerde. Alar arasında Tatar kongressı, tel häm tarix institutları, tatar milli-mädäni möhtariäte kerde. Front, xalıqqa xäref saylaw xoquqın kire qaytarırğa teli. Maqsatqa ireşü öçen ul ike yulnı kürä. Berençese: latin älifbasın härqayda qullanu. İkençe yul: Rusiäne, keşe xoquqların tanırğa mäcbür itü, yäğni, xalıqara oyışmalarğa möräcäğät itü.

Rimzil Wäli.

XS
SM
MD
LG