Accessibility links

якшәмбе, 4 декабрь 2016, Казан вакыты 09:20

Ğiraq saylawlarına 156 säyäsi firqä terkälde


Ğiraqnıñ Bäysez Saylaw Komissiäse äytüençä, 30-nçı ğinwarda ütäçäk ğömümi saylawlarğa üz namzätlären çığaru öçen 156 säyäsi firqä raslanğan. Komissiä ul firqälär arasında waqıtlı premyer ministr Ayat Alläwineñ Ğiraq Milli kileşü Firqäse häm prezident Ğazi äl-Yawirneñ yaña partiäse dä bar di. Saylawlarda qatnaşırğa Ğiraq İslam Firqäse dä raslanğan. Bu sönni törkem AQŞ citäkçelegendäge Fällücä operatsiäsenä protest yözennän saylawlarğa boykott iğlan itü belän yanağan ide. Mısırdağı xalıqara konferensiädä qatnaşuçı BMO General' Sekretare Kofi Annan häm tışqı eşlär ministrları ul saylawlarda küp xalıqnıñ tawış birüen tä'min itärgä çaqırdı. Ğiraq waqıtlı tışqı eşlär ministrı Xöşyär Zebari Mısırnıñ Şärm-äş-Şäix şähärendä ütkän ike könlek bu konferensiä Ğiraqnıñ demokratiägä taba xäräkätenä nıqlı yaqlaw belderde dide.

AUDİO: Konferensiä Ğiraq xalqın yaqlarğa, ğädel, demokratik häm totrıqlı Ğiraq tözügä taba säyäsi xäräkätne yaqlarğa berdäm teläk belderde.

Düşämbe könne konferensiädä qayberäwlär saylawlarda kübräk xalıq qatnaşa alsın öçen bälki anı kiçekterü yaxşı bulır digän täqdim belän çıqtı.

XS
SM
MD
LG