Accessibility links

җомга, 9 декабрь 2016, Казан вакыты 10:51

Bağdadtan könyaqta ğisyançılarğa qarşı xärbi operatsiä başlandı


Bügen Bağdadtan könyaqtaraq ğisyançılar sıyınğan urınnarnı çistartu öçen 5 meñläp AQŞ, Britan xärbiläre häm Ğiraq ğäskäriläre höcüm başladı. AQŞ xärbie äytüençä, operatsiä Babil wilayäteneñ Jabilla şähärendä başlanıp kitkän. Anda 32 ğisyançı bar dip şiklänelä. Jabilla Bağdadtan 80 çaqrım könyaqta urnaşqan. Xärbilär äytüençä, Bağdadtan könyaqta baş kütärü, koalitsiä xärbiläreneñ Fällücädäge operatsiäsennän iğtibarnı çitkä yünältü tırışlığı bulırğa oxşağan. Bağdadtan könyaqtağı keçkenä şähärlärdä soñğı waqıtta ğisyançılıq artıp kitte. AQŞ häm Ğiraq xärbilärenä maşinalarğa quyılğan bombalar, raketalar häm keçkenä utlı qorallar belän höcüm itälär. Bügen Baquba şähärendä qorallı keşelär yortınnan çığıp barğanba ber sönni din ähelen atıp üterde. Aña qädär Ğiraqnıñ tönyağında da ber sönni din ähele üterelgän ide.

XS
SM
MD
LG