Accessibility links

сишәмбе, 6 декабрь 2016, Казан вакыты 22:57

Yaqın Könçığış kwartetı Fälestin saylawları turında söyläşte


Yaqın Könçığışta tınıçlıq urnaştırunı protsessınıñ ximayäçeläre 9-nçı ğinwarğa bilgelängän fälestin saylawlarınıñ uñışlı ütüen tä'min itärgä häm matdi yardäm kürsätergä wäğdä birde. AQŞ, Rusiä, Yewropa Berlege häm BMO qatnaşındağı Yaqın Könıçığış kvartetı monı Şärm-äş-Şäixtäge Ğiraqqa bağışlanğan konferensiä citendäge oçraşudan soñ belderde. BMO general' sekretare Kofi Annan Arafatnıñ ülemennän soñ yaña citäkçene saylaw solıx xaritası dip atalğan tınıçlıq planın ğämälgä quyu mömkinlege birä dide. Annan şulay uq İzrail' xezmättäşlekkä äzer dip isäpläwe turında äytte. Kiçä kiç Arafatnıñ warisı urınına Fatah xäräkätennän namzät itep kürsätelgän Mäxmüt Abbas bügen Ramallada çığış yasap yaña citäkçelek bäysez Fälestin däwläte tözü öçen qatı tırışaçaq dide.

AUDİO: Bez xalqıbıznıñ qaytu xoquqına ireşkänçegä qädär häm diaspora faxiğäse betkänçegä qädär yal itmäskä wäğdä biräbez.

Bügen korrupsiägä qarşı köräşüçe fälestin deputatı Xäsän Kräyşi dä prezidentlıqqa üzen namzät itep kürsätte.

XS
SM
MD
LG