Accessibility links

пәнҗешәмбе, 8 декабрь 2016, Казан вакыты 23:09

Azerbaycan BMO Ğömümi Cıyılışına Ärmänstannıñ Tawlı Qarabax tiräsendä ärmän bistälären buldıruına şikäyät belderde. Ärmäsntan monı kire qağa


Azerbaycannıñ tışqı eşlär ministere BMOsı Ğomumi Ciılışın basıp alınğan Azerbaycan cirlärendä ärmän yäşävleklären buldıruğa borçılu beldergän rezolutsiä qabul itärgä çaqırdı. Minister Elmar Mammadyarov meñärlägän ärmän Taulı Qarabaxqa yaqın cirlärgä kitertelep urnaştırıla dip belderde. Ärmänstannıñ BMOdağı ilçese monı kire qaqtı, andıy rezolutsiä Yevropada İminlek Häm Xezmättäşlek Oyışması vasıytaçılığındağı protsesqa zian kiterä ala dip belderde.

Azerbaycan BMOsı Ğomumi Ciılışın Ärmän köçläre tarafınnan 10 yl elek basıp alınğan Azerbaycan cirlärendäge vazğiätkä diqqät itärgä çaqırğan rezolutsiä qabul itärgä ügetläde. Ministerneñ süzlärençä, Baku BMOnıñ bu mäsälä belän şöğellänüen teli, çönki, anda humanitar prinsiplar bozıla. Tışqı eşlär ministere Mammadyarovnıñ süzlärençä, anda yäşävleklärneñ tözelüe, qaçaq xälendäge yözär meñlägän azerbaycanlınıñ yäşägän cirlärenä kire qaytularına qurqınıç tudıra. Läkin, ul ber ük vaqıtta Yevropada İminlek häm Xezmättäşlek Oyışmaınıñ Azerbaycan belän Ärmänstan arasındağı solıx söyläşülärendä aradaşçılıq itüdä berençel rol uynauın da azsızıqladı.

Audio

"Bez Ğomum Mäclesneñ konlikftnı xäl qılu mäsäläse belän şöğellänüen telämibez. Monda süz tınıçlıq söyläşüläre protsesına qomaçaulauçı häm keşeçelek faciğäsenä alıp baruı ixtiumal bulğan problemma turında bara."

Anıñ süzlärençä, Azerbaycan xökümäte Ärmänstannıñ Taulı Qarabaxqa çiktäş Laçın, Kelbadyar, Zangilan häm Cabraildä yäşävleklär budıru säyäsäten alıp baruı xaqında ışanıçlı mäğlümätlärgä iä ikän. Ärmänstannıñ BMOndağı ilçese Armen Martirosyan andıy säyäsät yuq dip belderde. Läkin, bu ğäyeplävlär säbäple Yevropada İminlek Häm Xezmättöşlek Oyışması törkemeneñ urınnarğa barıp andağı vaziätne tikşerülären yaqlauın äytte. Anıñ süzlärençä, Azerbaycan basıp alınğan territoriälär mäsäläsen Minsk törkemendä tikşerelgän küpkenä mäsälälärdän ayırırğa teli. Şuşı söyläşülärdä Taulı Qarabax ärmännäreneñ üzbilgelänü xoquqı da tikşerelä. Martirosyan Azerbaycan citäkçelegeneñ suğış retorikası säbäple şuşı territoriälär Taulı Qarabax tiräsendä iminlek zonası bulıp xezmät itä dip belderde.

Audio

"Taulı Qarabaxnıñ statutı häm iminlek garantiäse mäsäläse xäl itelmiçä toııp, teritoriälär mäsäläse çişelä almıy."

Minsk törkeme isemennän çığış yasağan AQŞ väkile Susan Moore , bäxäsne xäl qılu öçen iñ yaxşı forum Minsk protsesı, ike yaq arasında ışanıç buldıru öçen tırışırğa kiräk häm Ğomumi Ciılışta bülgälänüne buldırmasqa kiräk dip belderde

Audio

"Azerbaycan Taulı Qarabaxtağı vazğiät belän bäyläneşle mäxsus borçılularnı kütärep çığa. Bez bu mäsälä qullanıştağı formatta tikşerelä ala dip ışanabız. Yevropa İminlek häm Xezmättäşlek Oyışması berençe adım bularaq missiä cibäräçäk."

Ğomumi Ciılışnıñ räise rezolutsiä mäsäläse soñğaraq tikşereläçäk dip belderde. Läkin, monıñ tarixı bilgelänmäde.

Färit İdelle. Praga.
XS
SM
MD
LG