Accessibility links

шимбә, 3 декабрь 2016, Казан вакыты 01:22

Tatarstannıñ 2005 yılğa byudjetı qabul itelde


Çärşämbe, 24 noyäber könen töp xäbäre bulıp respublika Däwlät Şurasınıñ çirattağı utırışı buldı. Üzläreneñ sessiälärendä deputatlar öçençe uqılışta 2005 yılğa byudjetnı qabul ittelär. Kiläse yılda Tatarstan qaznasına 43 milliardtan artıq sum keräçäk dip kötelä. Çığımnar isä 45 milliard sumnan da artıp kitär dip farazlana. Şulay itep, respublika byudjetında ikençe yılda 2 milliard sumnan artıq külämdä defitsit bulaçaq. Öleşçä alarnı qaznağa 2005 yılda bulaçaq östämä keremnär belän qaplarğa mömkin bulaçaq. Bu keremnär xaqındağı qanun da çärşämbe könne tikşerelep, qabul itelde. Annan tış, Däwlät Şurası deputatları Tatarstanda taşlamağa iä buluçılarğa aqçalata tüläwlärne ğämälgä quyuçı adreslı sotsial yärdäm turındağı qanunnı da soñğı uqılışta qabul ittelär. Sessiädä şulay uq başqa berniçä qanun qaraldı häm Tatarstannıñ Konstitutsion mäxkämäse räise bilgelände. Avgust axırında wafat bulğan Säyfixan Näfiev urınına xäzer älege mäxkämäne Viktor Demidov citäkläyäçäk. Bu xaqta Tatar-inform agentlığı xäbär itte. Däwlät Şurası sessiäsendä Qazan öçen bik möhim qanun da qabul itelde. Başqalağa sotsial yärdäm ölkäsendä östämä wäkälätlär birüçe älege qanun Dönya rekonstruksiäläw bankınnan aqça alırğa mömkinlek birä. Älege aqçalar närsägä kitär häm alar Qazannıñ sotsial-iqtisadi üseşenä bulışırmı, yuqmı – älegä bilgesez. Bu xaqta kiläse yıl näticäläre kürsäter.

Gölnaz İlgizär

XS
SM
MD
LG