Accessibility links

Кайнар хәбәр

Strasburgtağı keşe xoquqları mäxkämäsendä Mixail Markin eşe qarala


Yevropanıñ Strasburgtağı keşe xoquqları mäxkämäse Başqortstan keşeseneñ däğwasın qarıy başladı. Ul Kümertawda yäşäwçe Mixäil Markin eşe. Mixäil 1994nçe yılda “Opel-Senator“ maşinası alıp , anı militsiägä isäpkä quyğan.Militsiä maşina doqumentlarına däğwa beldermägän , 1997nçe yılda maşinanı satqanda isä doqumentlarnı yalğan dip tapqan.Maşina tartıp alınğan , Markinğa 6300 sum ştraf salınğan.Markin monıñ belän kileşmi respublikanıñ häm Rusiäneñ barlıq mäxkämälären ütep çıqqannan soñ Yevropa mäxkämäsenä birä.Anısı monı keşe xoquqları bozılu dip bäyäläp , Rusiä yağına monıñ säbäplären añlatunı sorap möräcägät itä.Näticädä Rusiäneñ Yuğarı mäxkämäse barlıq mäxkämä qararların köçennän çığara.Yevropa mäxkämäsendä monı çara kürelü dip qabul itälär.Markin maşinasın da , aqçasın da qaytarıp ala almağaç , qabat Strasburgqa möräcägät itä. Markin bu yulı matdi zıyan külämen 31 meñ dollar dip bäyälägän , şuña östäp Yevropa mäxkämäse kürelgän ruxıy zıyan öçen dä tülätü bäyäsen üze bilgelär dip ömetlänä.
XS
SM
MD
LG