Accessibility links

чәршәмбе, 7 декабрь 2016, Казан вакыты 17:25

Yevropa Berlege-Rusiä sumitında da Ukraina mäsäläse östenlek itte


Ukrainada bäxäsläşelgän prezident saylawları bügen Haagada ütkän Yevropa Berlege Rusiä sumitına da küläge töşerde. Yevropa Berlege sumittan elek premyer Yanukoviçnıñ ciñep çıqqan saylawlarnı tänqitläp çıqtı. Prezident Putin isä bügen Haagaga kilgänçe Yanukoviçnı qotlap ikence täbrik kündermäsen cibärde. Ämma mätbuğat konferensiäsendä citäkçelär Ukrainadağı säyäsi krizis tınıç yullar belän xäl qılınırğa tieş digän urtaq fiker beyan itte.

Yılına 2 märtäbä ütkärelä torğan Rusiä Yevropa Berlege sumitı bu ay başlarında bulırğa tieş ide. Ämma Yevropa komisiäseneñ oyışıp betmäwe säbäple kiçekterelde. Taraflar tışqı iminlek , eçke iminlek , iqtisad fän häm mädäniät kebek 4 ölkäne eçenä alğan strategik partnörlıq kileşüenä qul quyarğa teläsä dä mäsälä körçekkä terälgän. Summitan elek Berlek Rusiä Yevropa Berlegeneñ keşe xoquqları, demokratiä qanun häm tärtip turındağı töp qimmätlären räsmi räweştä tanırğa , şulayuq Moldova häm könyaq Kafkazda Berlekneñ konfliktlarnı çişüen raslarğa telämi dip beldergän ide. Yevropa Berlege, Bloknıñ may ayında kiñäyüennän soñ Belarus Moldova häm 3 Kafkaz respublikasına üze belän Rusiä arasında urtaq kürşelär dip qarıy häm üz rolen artırırğa teli. Rusiä isä eleke 6 sovet respublikasına yaqın kürşelär häm üzeneñ täsir zonası digän qaraşta Yevropa Komisiäseneñ süzçese Emma xanım Udwin kiçä Azatlıq radiosına (audio) Bu summitta 4mäsälä turında kileşü töp urında tora . Bez bu ölkälärdä urta möddätne küzdä totıp kiläçäk yıllarda xezmätäşlek itü öçen intensiv eşlibez . Ämma bezneñ nıq eşläwebezgä qaramastan küp kenä mäsälälär çişelmi qaldı Ukrainada Rusiä yaqlı prezident kandidatı belän Berlekkä yaqınlaşunı mäqsat itep quyğan ikençe namzät arasındağı bäxäs kierenlekne kiskennäşterde . Bügen bik qısqa sumittan soñ ütkärelgän mätbuğat oçraşuında V.Putin Ukrainadağı eşlärgä çittän tıqşınmasqa kiräk digän kiñäş birde. Saylaw näticäläre turındağı bäxäs uramda tügel ä mäxkämädä xäl qılınırğa tieş dide Rusiä citäkçese süzlärenä däwam itep (audio) Min zur Yevropa ilen massa küläm tärtipsezleklärgä etärergä moral xoququbız yuq dip ışanam. Bez bäxäslärne uram cıyınnarında çişüne xalıqara praktika xälenä kitermäskä tieşbez bez andıy cancallarnıñ konstitutsiä yulı belän xäl qılınuın üzebez häm başqalarına öyrätergä tieş. V.Putin Ukrainada saylaw aldı kampaniäse başlanğannan birle xalıq saylağan här prezident belän eşlärgä äzer buluın da beldergän Rusiä citäkçese Yevropa Berlegeneñ älege prezidentı Gollandiä premyre Ukraina krizisın çişüdä Rusiä belän häm fiker tügel . Premyrer Balkenendä (audio) Yevropa Berlege belän Rusiäneñ Ukraina krizisına mönäsäbäte başqa bulsa da bez Ukrainada legitim xökümät tınıç yullar belän eş başına kilergä tieş dip kiläşäbez. Premyer tağı bolay dide (audio) Ukraina saylawları xalıqara standartlarğa kileşle tügel ide bez moñı Yevropada iminlek wä xezmättäşelek oyışması birgän mäğlümäkä tayanıp äytäbez şunlıqtan Yevropa Berlege näticälärne qabul itä almıy Premyer Jan Peter Balkenende Ukrainanıñ kiläcäge ukrain xalqı qulında qalırğa tieş, Ukrainanın citäkçelären saylaw Berlekneñ eşe tügel dip belderde

färidä xämit
XS
SM
MD
LG