Accessibility links

сишәмбе, 6 декабрь 2016, Казан вакыты 03:46

Britaniä tışqı eşlär ministrı Jack Straw fälestin citäkçeläre belän oçraştı


Straw fälestinlelärgä 9-nçı ğinwarda ütäçäk saylawlarda yardäm itärgä wäğdä birle. Fälestinlelär bu ayda wafat bulğan Yassir Arafat urınına yaña citäkçe saylıy. Ramallada fälestin premyer ministrı Äxmät Qurai belän oçraşqannan soñ Straw Qurai minem saylawlarnı irekle häm ğädel itep ütkärü öçen Könbatış Yarda häm Gazada iminlek zarur digän fikerem belän kileşte dip qänäğätlek belderde. Oçraşudan soñ Straw Arafatnıñ qäberenä barıp çäçäk bäyläme saldı. Soñraq ul Fälestinne Azat İtü Oyışmasında Arafat urının alğan citäkçe Mäxmüt Abbas belän oçraştı. Çärşämbe könne İzrail' tışqı eşlär ministrı Silvan Şarom Strawğa İzrail' fälestinlelärgä saylawlar ütkärüdä yardäm itäçäk dip belderde. Straw İzrail' premyer ministrı Ariel Şaron belän dä oçraşırğa tieş ide, ämma premyer ministr idaräse Şaron awıru säbäple oçraşudan baş tartırğa mäcbür dide. Xäbärlärgä qarağanda, İzrail' soldatları Gazada häm Könbatış Yarda 3 fälestin suğışçısın ütergän.

XS
SM
MD
LG