Accessibility links

сишәмбе, 6 декабрь 2016, Казан вакыты 22:52

Mäskäw yanında qorallı dezertirlar qulınnan 2 totıq qotqarıldı


Mäskäw ölkä militsiäse avtomat qorallar belän xärbi xezmättän qaçıp Dmitrov şähärendäge ber xosusıy yortta totıqlar alğan ike xärbi qulınnan ike totıqnı qotqaruı turında belderä. Militsiä başlığı Aleksandr Alekseev äytüençä, 7 säğät däwam itkän qamawdan soñ totıq aluçılarnıñ berse üz-üzen atıp ütergän, ikençese militsiägä birelgän. İgezäk Dmitriy häm Aleksandr Oparinnar Mäskäwneñ tönyağındağı Solneçnogorski şähärendäge xärbi bülektän bügen irtän qaçqan bulğan. Alekseev äytüençä, qaçqınnar alarnı tuqtatırğa telägän 2 militsionernı ütergän, keşedän mikroaftobus tartıp alıp anıñ belän Mäskäwdän 60 çaqrım tönyaqta urnaşqan Dmitrov şähärenä kitkän. Anda alar ber xosusıy yortta 2 totıq alğan häm soñraq militsiä yortnı qamağan. Oparinnar armiädä inde 18 ay xezmät itkän bulğan.

XS
SM
MD
LG