Accessibility links

сишәмбе, 6 декабрь 2016, Казан вакыты 19:02

Xalıqara Atom Energiäse İdaräse şurası Tährannıñ atom programmasın tikşerä


Xalıqara Atom Energiäse İdaräse başlığı Möxämmät äl-Baraday İdarä şurasınıñ utırışı başlanır aldınnan İran uran bayıtunı tuqtatu wäğdäsen ber çığarma belän üti dide. El Baraday äytüençä, idarä İran belän uran bayıtu cihazların tikşerenülär häm tärräqiät öçen genä faydalanu anda uran matdäsen qullanmaw taläbe turında söyläşülär alıp bara dide.

AUDİO: Bez yaxşı tärräqiätkä ireşüebez turında, moñarçı İran yağınnan yäşerü säbäple qıyınlıqlar buluı turında äytäbez, ämma xäzer uzğan yılnıñ dikäberennän birle xezmättäşlekneñ sizelerlek yaxşıruı kürenä.

Xalıqara Atom Energiäse İdaräse şurası Vienada 2 yıl buyı däwam itkän İran atom programmasın tikşerülär näticälären qarıy. İdarä İrannıñ atom qoralları yasarğa cıyınuın raslawçı dälillär tapmasa da, İrannış yäşeren atom qorılmaları bulırğa mömkin dip borçıla. İdarä İran turında xisabın BMO İminlek Şurasına tapşırırğa häm anda İranğa qarşı çikläwlär mäs'äläse qaralırğa mömkin. Bügen Tähranda prezident Möxämmät Xatami İrandağı atom eşçänlege turındağı İdaräneñ rezolütsiä ölgesen tänqitläp çıqtı häm anı üzgärtü öçen intensiv söyläşülär bara dide.

XS
SM
MD
LG