Accessibility links

пәнҗешәмбе, 8 декабрь 2016, Казан вакыты 03:08

Bağdad yanında ğisyançılıqta şiklänelüçelärgä qarşı xärbi operatsiä bara


AQŞ xärbiläre äytüençä, Amerikan, Britan häm Ğiraq xärbiläre Bağdadtan könyaq könbatıştağı qurqınıç töbäktä sişämbe könne başlanğan xärbi operatsiä barışında ğisyançılıqta şiklänelüçe 116 keşene totqarlağan. Alarnıñ 69-ı bügen Yosıfiä şähäre yanında totılğan dielä. Fällücä şähärendä moñarçı bulmağan sanda qorallar tabıluı turında äytelä. Ul qorallar mäçettä yök maşinasına töyälgän bulğan. Ğisyançılarnıñ ruxi citäkçese ul mäçettä wäğäz uqıy torğan bulğan. Ğiraqnıñ däwlät ministrı Qassim Daut Ğiraq Milli Ğäskäre soldatları Fällücädä şartlatqıçlar häm ağu yasaw laboratoriäse taptı dide. AQŞ däwlät departamentı Ğiraq mäğärif ministrlığı belän eşläwçe ber xezmätkäreneñ çärşämbe könne Bağdadta üterelüe turında belderde. Sämärrä politsiäse äytüençä, şähärdä AQŞ-Ğiraq patrule uzıp barğanda maşinağa quyılğan bomba şartlaw näticäsendä 6 ğiraq xärbie häm tağın 4 keşe yaralanğan.

XS
SM
MD
LG