Accessibility links

Кайнар хәбәр

Yukosnıñ ölkän citäkçeläre qulğa alınudan qurqıp Rusiädän kitkän, bu şirkätneñ citeşterüenä tiskäre yoğıntı yasıy ala


Yukos şirkäteneñ ölkän menecerlar törkemeneñ 6 äğzası qulğa alınudan qurqıp Rusiädän çığıp kitte. Şirkätkä yaqın dairälär alarnıñ kitüe Yukos operatsiäläre häm täminatnı qurqınıç astında qaldıra ala digän fiker beyan itä.

Yukos menecment törkemeneñ aralarında AQŞ watandaşı da bulğan 6 äğzası Rusiädän çığıp kitkännnär.Yukos süzçese äytüenä qarağanda amerikalı möder Steven Theede älege waqıtta Yevropa häm Quşma Ştatları buylap yöri . 2001nçe yıldan birle Yukosnıñ baş xisapçısı bulıp torğan Bruce Misamore minem häm ğailämneñ iminlege qurqınıç astında tügel digän garantiä alğançı Rusiägä qaytırğa cıyınmıy.Ul Londonnan birgän telefon ängämäsendä mine qulğa alu yäki ğäyepläw belän yanamasalar min prokurornıñ sorawlarına bik tä şatlanıp cawap birer idem. Andıy garantiä birelsä qaytır idem, min qanunsız ber närsä dä eşlämädem, prokurornıñ närsä sorarğa telägänen ber dä belmim dip äytkän. Bu atna başlarında Rusiä baş prokurorı idaräse Misamornı üzenä çaqırtqan. Ul aldan bilgelängän Yukos cıyılışı öçen Londonğa kitkän , xabärne işetkäç qaytmasqa bulğan. İndustriä analitikları belderüençä , däwlätneñ şirkätkä yasağan orımnıñ ber öleşe bularaq prokurorlar xäzer iqtibarnı Yukosnıñ ölkän citäkçelärenä yüneltte , bu Rusiä xökümäteneñ neft şirkäteneñ yaña xucası buluına yul aça ala. Menecerler Mäskäwne taşlap kitä, bu isä däwlätkä çittän mödir, idaräçe kiterep urnaştıru öçen xoquqi nigez birä ala. Yukos Kreml belän bäxäsläşep torsa da älegä neft çığaru däwam itä. Yukos könenä 1million 700meñ miçkä neft çığara . Dönya neft täminatınıñ yaqınça 2% digän süz. Yukosnıñ oyıtıruçısı Mixael Xodorkowski 2003nçe yılda küplär fikrençä prezident Putinğa säyäsi qurqınıç tudıruı säbäple qulğa alınğannan soñ, şirkät Kreml utı astında qaldı. Yukosnıñ ölkän menecerların awlau ütkän atnada qızışıp kitte.Militsiä Teedeneñ ofisında tentü ütkärde häm şirkätneñ çit ildäge köndälek eşlären qarap barğan Yukos Moskvanıñ vise prezidentı Alexei Kursinnı qulğa aldı. Yukosnıñ baş advokatı Dimitri Gololobov çit ildä säfärdä ide anı ezlängän keşelär isemlegenä kerttelär. Şirkätkä yaqın toruçı dairälär qaraşınça däwam itkän legal ezärlekläw , tentülär şirkät räsmilärennän soraw alu kebek eşlär operatsiälärneñ özelüe belän tämamlana ala . Misamore ölkän menecment dönyanıñ qay töşendä genä bulmasın , alar şirkät belän idaräne däwam itterä ala dip äytkän bulsa da, başqaları bu fikergä şik belderä. Duma deputatı eleke KGB generale ütkän yılğa qädär Yukos analitik bülege citäkçese bulıp torğan Aleksey Kandaurov süzlärençä Xodorkovskinıñ üzennän här törle cavaplıqlnı töşerüe aqlana , çönki höcümnär operatsiälärgä häm ekologik häm texnik yaqtan täsir itä ala . Kandaurov xäzer ölken citäkçelek yuq här törle närsä bula ala, belgeç, spetsialistlar töbäklärdä , ämma menecerlarnıñ bulmawı eşçelärneñ psixologiäsenä täsir itä , disiplina kimi ala dip söyli Kandaurov ta şundıy qatmarlı oyışma , qatmarlı waqıtta çittän torıp idarä itelä alır dip küz aldına kiterä almim dide. Ämma Trokia Dialognıñ neft häm gaz analitiğı Valery Nesterov töp mäsälä sotsial stabillıq , ägär dä neft manarasında eşläwçe keşe kiläçäge turında qayğıra başlasa , ul çaqta çın belä qazalar bula ala , yuq isä Yukos bik osta oyıştırılğan anı cimerü qıyın eş bulaçaq di.Yukos xissälärneñ qimmäte atnakiçtä 17% qa kimede . Misamore menecment başqa mömkinçeleklär belän bergä bölgenlekkä töşte dip möräcäğät yasaunı da uylıy dide. Ämma bälkenlekkä töşte digän möräcäğät Misamore häm ölkän citäkçelär öçen qurqnıçlı bula ala , çönki Rusiä mäxkämäse şirkätneñ baylıqları citärlek digän näticägä kilsä alar cinayätçelektä ğäyeplänä ala

färidä xämit
XS
SM
MD
LG