Accessibility links

Кайнар хәбәр

Abxaziä parlamentı prezidentlıqqa namzät Bagapşnıñ ciñüen tanıdı


Abxaziä parlamentı oppozitsiä namzäte Sergey Bagapşnıñ üktäber başında ütkän prezident saylawlarında ciñep çığuın tanıdı. Apsnypress agentlığı taratqan rezolütsiägä qarağanda, Abxaz parlamentı şulay uq Bagapşnıñ 6-nçı dikäbergä bilgelängän inawguratsiäsenä äzerlekne däwam itärgä quşqan. Üzäk saylaw komissiäseneñ 3-nçe ütkäberdä ütkän saylawlarda Bagapşnı ciñüçe dip iğlan itüenä qaramastan, xökümät namzäte Raul Xadjimba üzeneñ ciñelüen tanudan baş tarttı. Xadjimba saylawlar xärämläşülär belän ütte di häm saylawlarnı yañadan ütkärüne taläp itä. Rusiädän yaqlaw aluçı, xakimiättän kitüçe prezident Vladislav Ardzinba da Xadjimba yağında. Ardzinba ägär dä Bagapş inawguratsiägä äzerlek eşlären tuqtatmasa xakimiättän kitmäyäçägen belderde.
XS
SM
MD
LG