Accessibility links

якшәмбе, 11 декабрь 2016, Казан вакыты 13:07

Xalıqara Atom Energiäse İdaräse Tönyaq Korea mäs'äläsen BMO İminlek Şurasına tapşırmıy


Biredä Xalıqara Atom Energiä İdaräse şurasınıñ utırışında ni öçen Tönyaq Koreanıñ atom eşçänlege turında xisap birmäwe häm İrannıñ uran bayıtunı tuqtatu turındağı añlatması qaraldı. İdarä Tönyaq Koreanıñ yäşeren räweştä plutoniy häm uran belän sınawlar ütkärüen tänqitläsä dä Tönyaq Korea mäs'äläsen BMO İminlek Şurasına tapşırmasqa buldı. Tönyaq Korea tışqı eşlär ministrı urınbasarı Çoi şuradağı çığışında, xatalar buldı ämma bu sınawlarnı ütkärgän belgeçlärneñ alar turında xökümätkä xäbär itmäwe arqasında dide. Şura atom matdäläre zur miqdärdä bulmağan häm ul yäşeren sınawlar däwam itmi dide. Şurada İran törkemen citäkläwçe Xösäin Musavian Tähran ışanıç buldıru öçen Yewropa Berlege häm BMO atom idaräsenä uran bayıtunı tuqtatu turındağı wäğdäsen ütiäçäk dide.

AUDİO: Bez uran bayıtunı xoquqıy mäcbüriät säbäple tügel ä ışanıç buldıru öçen tuqtatu turında assızıqladıq.

Ul şulay uq Yewropa Berlege belän İran tizdän Tährannıñ tikşerenülär öçen 20 bayıtu sentrifugasın qullanunı röxsät itü möräcäğäte turında kileşügä ireşer dip ömetlänüen äytte.

XS
SM
MD
LG