Qazaxstan, Üzbäkstan, Qırğızstan prezidentları Rusiä prezidentı Putinğa quşılıp Ukraina premyer ministrı Viktor Yanukoviçı saylawlarda ciñü belän täbrikläde.
Ämma Mäskäwdän häm Ukraina prezidentı Leonid Kuçmadan yaqlaw alğan Yanukoviçnı qotlawçılar bik az.
Moldova Yanukoviçnı ciñüçe dip iğlan itkän saylaw näticälären tanudan baş tarttı. Moldova tışqı eşlär ministrlığı bu saylawlar Ukraina xalqı häm Xalıqara cämäğätçelek tarafınnan tanılu öçen zarur bulğan oybektiv qısalarğa turı kilmäde dide.
Vilnyusta Latvia, Litva häm Estoniä prezidentları Ukraina xalqına urtaq belderü belän möräcäğät itep Ukraina Baltıyq däwlätläreneñ teläktäşlegenä tayana ala dide.
