Accessibility links

җомга, 9 декабрь 2016, Казан вакыты 05:01

Tatarstan artistları Omskida


Omskiğa Tatarstan säläme kilep citte. Anı şulay, “Tatarstan säläme” dip isemlängän konsert programması belän seber yaqları buylap säfärgä çıqqan cırçı Ravil' Usmanov törkeme alıp kilde. “Bez Qazannıñ 1 meñ yıllığı uñayınnan Seber yağında yäşäwçe tatarlarğa mädäni xezmät kürsätü maqsatı belän yulğa çıqtıq”, - di törkem adminstratorı Rişat Yosıypov..

Bu törkemneñ berençe konsertı 24-nçe noyäber könne Omskida uzdı häm tatarlar öçen ul matur cır bäyrämenä äylände. Ällä inde ike yıldan artıq Qazannan artistlar bulmağanğamı , yaña ğına şähärdä cirle üzeşçännär konsertları uzuına qaramastan , tamaşaçı tatarstanlılar konsertına küpläp kilgän ide - 400 urınlı “Qızıl Gvardiä ” mädäniät sarayında ber genä buş urın da qalmadı. Xalıq konsertnı dörestän dä bäyräm itep qabul itte. Rawil Usmanovnıñ, häm Lena Borxanovanıñ zamança därtle cırların, Gabdelxak Zinnatullinnıñ xalıq cırların, Renat Sibgatullinnıñ osta bayanda uynawın tamaşaçı köçle alqışlarğa kümde, çäçäk bäylämnäre büläk itte. Artistlar üzläre dä säfärläreneñ uñışlı başlanuınnan qänäğät qaldılar. Alar şundıy zur yulğa çığarğa yullama birgän Bötendon'ya tatar kongressınıñ başqarma komitetına da, gastrollärgä fatixa birgän Tatarstannıñ mädäniät ministrlığına da, Omski tamaşaçılarına da räxmätle idelär.

Rozaliä Sayganova, Omski

XS
SM
MD
LG