Accessibility links

сишәмбе, 6 декабрь 2016, Казан вакыты 15:08

Ğiraqta köç qullanu däwam itä


Ğiraqnıñ könbatışındağı Ramadi şähärendä intixar terrorçısınıñ maşinasın şartlatuı näticäsendä Ğiraq milli gvardiäneñ 4 xärbie häm tağın 8 keşe hälak bulğan. Şartlaw polisiä binası yanında bulğan. Anda xärbilär xezmät xaqların alır öçen çiratta torğan bulğan. Höcümdä tağın 3 xärbi häm 7 sivil keşe yaralanğan. Bağdadta yul buyında 2 amerikan xärbie bombada şartlap ülde. Ğiraq Qızıl Yarımay cämğiäte Falluca şägärendä üzäklären buldırdı, ämma ğısyançılar häm amerikan wä ğiraq ğaskärläre arasında däwam itkän bäreleşlär arqasında – tabiplar şähärgä çığıp moxtaclarğa yardäm itä almıy. Britaniädä premyer-ministr Tony Blair Ğiraq xökümäte başlığı urınbasarı Barham Saleh belän oçraştı. Blair tağın ber tapqır, Ğiraqta saylawlar ütkärü häm iminlek buldırunıñ ähämiätenä basım yasadı: "Bez, saylawlar ütkärü häm Ğiraqta iminlek köçläre tözüneñ ähämiäte mäs'äläsendä kileştek," dide Britaniä premyer-ministrı. Ğiraqta saylawlar Ğinwar axırına bilgelängän.

XS
SM
MD
LG