Accessibility links

Кайнар хәбәр

Xalıqara Atom Energiäse İdaräse İrannıñ uran bayıtu programmasın tuqtatuın rasladı


Xalıqara Atom Energiäse Agentlığı İrannıñ uran bayıtu programmasın tuqtatıp toruın raslap rezolüsiä qabul itte. Tährannıñ älege adımı, agentlıqqa İrannıñ atom programması tiräsendäge wazğiätne tulısınça tikşerergä mömkinlek birde, dide agentlıq başlığı Möhammäd ElBaradei. Şulay uq bu rezolüsiä – İrannıñ atom programması tiräsendäge wazğiätne Berläşkän Millätlär Oyışması İminlek Şurası köntärtibenä quymasqa yul aça. Xalıqara Atom Energiäse Agentlığındağı İran wäkile Hussein Mussavian, İran xökümäte, rezolüsiä eçtälege belän tulısınça kileşmi, ämma xezmättäşlektän baş tartmıy, dide. "Rezolüsiädä qayber citeşsezleklär bar, şulay uq uzğan zamannardan kiräk bulmağan nindider mäs'älälär kütärelgän. Ämma bu citeşsezleklärgä qaramastan, bez annan baş tartmıybız," dide İrannıñ Xalıqara Atom Agentlığındağı wäkile. İrannıñ yuğarı ruxi citäkçese Ayatolla Ali Khamenei, İran atom programmasın üsterüne däwam itäçäk, dide.
XS
SM
MD
LG