Almatı şähär xakmiäteneñ eçke eşlär bülege başlığı general Moldiar Orazaliev, kiçä Otan partiäse başfatirında bulğan şartlawlarnıñ keşe üterü kebek citdi maqsatı yuq ide, dip belderde. "Bu terror höcüme buldı dip äytü qıyın. Şartlawlar mondıy näticä yasar öçen zur tügel ide. Bina cimerelmäde. Anı oyıştıruçılar kemne dä bulsa üterüne küzdä totmağan. Tikşerü däwam itä, waqıt kürsäter" dide Orazaliev. Qazaxstanda oppozisiädäge Aq Jol partiäse räistäşläreneñ berse, Bulat Abilov, kiçäge şartlawlarnı kisken täñqitläp çıqtı. Xakimiättäge Otan partiäse, bu şartlawlar, ildäge wazğiätne totrıqsızlandıru öçen eşlände, dip belderde. Qazaxstan polisiäse – şartlawlarnıñ säbäben "xuliganlıq" dip atağan ide.
