Accessibility links

җомга, 9 декабрь 2016, Казан вакыты 01:13

Başqortstan tatarları Mäskäwdä milli-mädäni möxtäriät oyıştırıp qayttı


Çaranı oyıştıru komitetı räise urınbasarı Mäcit Xucin “Säfär yuğarı oyışqan töstä ütte“, -dip belderde. Ul ayıruça Mäskäwdä yärdäm kürsätülären bilgeläde häm şunıñ öçen başqala xakimiäte häm militsiä başlıqlarına räxmät belderülären ireşterde.

Mäskäwdä uzğan qorıltay uñayınnan xäbärdärlek çaraları birgän mäğlümatlar törle çıraylı. Beräwläre älege çaranı piar-aksiä dip bäyäläp, tänqit utına tota, ikençeläre soqlanu belderä, monı republikadağı keşe häm millät xoquqları qısıluı misalı itep sürätli. İnternetnıñ ”BashNews“ säxifäse qorıltay aldınnan anda qatnaşmasqa çaqırğan Başqortstan tatarları kongressı başqarma komitetı räise Eduard Xämitovnıñ möräcäğäten iskä töşerep, Xämitovnı Sergey Dorenko, Mixail Leontyev kebek telekillerlar belän çağıştıra. “Başinform” agentlığı xäbäre isä älege çaranı provokasiä dip bäyäli.

Başqortstan Prezidentı xakimiäteneñ cämäğätçelek belän eşläw bülege başı Ämir Yuldaşbayıv mondıy çaralarnıñ Ukrainadağı kebek xällärgä kiterüe ixtimallığı barlığın belderde. Ul qorıltaynı oyıştıruda Qazannıñ da qatnaşlığı bar dip, monı delegatsiäne Qazanda zurlap qabul itü , Mäskäwdä Tatarstan wäkileneñ qarşı aluı belän añlata. Yuldaşbayıv möxtäriät tözü kiräklegen iñqar itmi, şul uq waqıtta Rämil Bignov citäklägän oyışma xökümät tarafınnan tanılmayaçaq ikänlegen dä ireşterde.

Räsmi bulmağan çığanaqlar Başqortstan tatarlarınıñ tağın ber möxtäriäte tözelü ixtimallığı barlığın ireşterä. Aña qarağanda, xökümät alternatíf kesä möxtäriäten oyıştıraçaq , ä monısın tanımayaçaq.

Republika matbuğatı milli-mädäni möxtäriät räise Rämil Bignovnı utlı tabada bietä. Anda Bignov milli mänfäğätlärne satu isäbenä aqça eşläwçe itep sürätlänä.

Mönir Wafin, Ufa.

XS
SM
MD
LG