Accessibility links

шимбә, 10 декабрь 2016, Казан вакыты 17:57

Kamal teatrında Fuat Äbübäkerovnıñ icat kiçäse ütte


Milli muzıkanı yaratuçılar, 29nçı noyäber kiçendä cıyılıp Ğaliäskär Kamal teatrında, baş rejiser, xalıq artistı Fuat Äbübäkerovnıñ icat kiçäsen ütkärde. Şuşı şäxes Kamal teatrı säxnäläştergän äsärlärneñ kübesenä muzikant, derijer, kompozitor bularaq üz öleşen kertkän keşe. Fuat Äbübäkerov teatr orkestina 40 yıl elek kilä häm äle dä anda xezmät itä. Muzıkant hönären, Fuat Äbübäkerov, ätise, violançel ostası Xämit Äbübäkerovqa qarap saylanğan. Fuat äfände, çığışı belän, Üzbäkstannan. Şuña, yubiley kiçäsendä, üzbäk köyläre dä yañğırağan. Xäzer Fuat Äbübäkerov, Kamal teatrda eşläwdän tış, Qazannıñ muzika mäktäbendä uqıta. Ul respublika teatrlarında quyıla torğan äsärlärgä dä köylär yaza, muzıkal` bizäleş belän yärdäm itä. Yubiley kiçäsenä, Fuat Äbübäkerov belän xezmättäşlek itkän muzıkantlar, teatr citäkçeläre, dusları kilep, anıñ eşçänlegenä yuğarı bäyä birdelär, 60 yıllığı belän qotladılar. Yübilär, xäzer dä, aktiv xezmät itä. Bu könnärdä ul teatrnıñ premyerasın äzerläwdä, «Xanuma» spektaklen muzıkal bizäleşen eşläwdä qatnaşa.

Bikä Timerova.

XS
SM
MD
LG