Accessibility links

якшәмбе, 11 декабрь 2016, Казан вакыты 01:23

Ayrat Dinmöxämmätov Mäskäwgä Qazan aşa barmasa da, tatar milli-mädni möxtäriäte oyıştıruçıların xupladı


Xalıqlar tuğanlığı, duslığı digän izge töşençä turında ber waqıtta da onıtırğa yaramıy. Häm duslıqnı cimerüçe, millätara ızğış quzğatuçı digän awır tamğalarnı teläsä kemgä, teläsä nindi oçraqta suğu da zur gönah. Änä, Başqortstan xalıqları assambleyası Ufadan Tatarstan yulları aşa Mäskäwgä barğan yaqtaşları, tatar avtonomiäse tözüçeläre turında şaqtıy kisken xat yazıp, Vladimir Putinğa yullağannar. Bu xatnı kem uqır, anıñ döreslegen niçek tikşerälär - äytep bulmıy. Ämma, Tatarstan yullarınnan Mäskäwgä şiqayät iltüçelärneñ barısı da millätara ızğış kütärüçelär häm alarnı Tatarstan oyıştırıp cibärä dip uylaw tağın da zurraq gönah bulır ide. Xaqiqät, konkret faktlar kiräk. Bu inde Azatlıq radiosınıñ eşe.
Uzğan atnada näq şul turıda uylap, Qazanda tuqtalıp, Mäskäwgä kitüçelär turında Al'bina Zäynulla söylägän ide. Qayberäwlär monı üzençä añlasa da, barıber ul faktlar bügen dä iskermägän. Ämma, uzğan şimbädä Mäskäwdä ütkän milli-mädäni moxtariät qorıltayında süz ni turında barğan, kem çığış yasağan - menä şul turıda bernindi mäğlümat tä yuq. Şuña kürä, älege qorıltaynıñ barışı turında konkret faktlar birü urınlı bulır. Anda yasalğan yazmanı tıñlağannan soñ, berkemneñ, bernindi millätkä tel tidermäwe añlaşıla. Ufada qorıltay ütkärergä urın birmäw säbäple Mäskäwdä ütkärelgän bu çara Başqortstan gimnı belän başlanıp kitte. Qorıltaynıñ eşçe orğannarı saylanıp, töp doklad belän professor Ruşan Gallämov çıqqannan soñ, delegatlarnı general-polkovnik Räsim Aqçurin täbrikläde. Ä annarı süz başqort milli xäräkäte wäkile Ayrat Dinmöxämmätovkä birelde. Üzeneñ çığışında Ayrat Dinmöxämmätov uzğan yılda Orenburg şähärendä ütkän 7nçе başqort syezdı, Başqortstan xalıqlarınıñ ğämäldäge prezidentlarına bulğan qarşı mönäsäbäte xaqında söyläde. Qaynar yöräkle başqort millätçese Ayrat Dinmöxämmätov belän tatar milli-mädäni moxtariäten oyıştıruçılar arasındağı ruxi yaqınlıq, milli tuğanlıq kemgäder kürsäter öçen oyıştırılğan närsä tügel. Ul millätlärebezneñ eçke xaläte. Üzeneñ çığışında Ayrat Dinmöxämmätov respublika xakimiäte turında tağın da qaynarraq häm ütkenräk süzlär äytte. Çönki ul da Başqortstannıñ üzendä Başqort xalqı kongressın ütkärä almağan ikän. Dimäk, biredä mäs'älä millätara qarşılıqta tügel, ä demokratiägä törleçä qaraş buluda. Ägär dä milli oyışma fälän citäkçe qulı astında bulsa, döres oyışma bula. Ägär dä az ğına üzgä fikerle şäxeslärgä iärsä - ul talaşçı bulıp çığa.
Töbäklärne, respublikalarnı da şulay qarşı quyarğa mataşular oçrıy. Ämma faktlar, obyektiv mäğlümat, Allağa şöker, xälneñ başqaça ikänlegen raslap tora. Ni öçen bez bügen başqort xäräkäte wäkileneñ Mäskäwdä yasağan çığışına tuqtaldıq? Eş şunda. Ayrat Dinmöxämmätov Mäskäwgä bötenläy Qazan aşa barmağan. Tatarstanğa mönäsäbäte yuq anıñ. Şulay bulğaç, Başinform xäbärçese Xäsän Möxämmätov anı ğayıpli almıy. Millät-ara duslıq turında ul da bik qayğırta. Şunlıqtan anı da tıñlarğa kiräkter.
Rimzil Wäli, Qazan.

XS
SM
MD
LG