Accessibility links

шимбә, 3 декабрь 2016, Казан вакыты 16:46

Rumıniä oppozisiäse yäkşämbe uzğan saylawlarnı yañadan ütkärüne taläp itä


Rumıniä oppozisiäse yäkşämbe könne ütkän prezident häm parlament saylawlarınıñ näticälären yuq itep tawış birüne qabatlarğa çaqıra. Liberal häm Demokratik partiälär berlege yulbaşçısı, Buxarest şähär başlığı Traian Basescu, matbuğat oçraşuında bügen, elektron saylawlarda xärämläşülär 160 meñgä yaqın tawışqa tä'sir itte, dip üzäk saylaw komissiäsen taratırğa, xärämläşülär öçen cawaplı bulğannarnı qulğa alırğa çaqırdı: "Sosial Demokratlar tarafınnan 28 noyaber saylawlarında oyıştırılğan xärämläşülärdä qatnaşqan Üzäk Saylaw Bürosınıñ taratıluın taläp itäbez. Komputer programmasın tözegän direktornıñ qulğa alınuın taläp itäbez," dide Buxarest şähär başlığı. Yäkşämbe birelgän tawışlarnıñ 90%tı sanalğan. Elekke kommunistlar, xakimiättäge sosial-demokratlar berençe urında, alar tawışlarnıñ 37%tın alğan, ikençe urında 31% belän Basescu berlege bara. Ayırma 470 meñ tawış tiräse. Prezident saylawlarında premyer-ministr Adrian Nastase öçen 41%, Basescu öçen – 34% tawış birelgän. Basescu taläplärenä Sosial-Demokratlar partiäsennän reaksiä älegä yuq.

XS
SM
MD
LG