Yevropada İminlek häm Xezmättäşlek Oyışmasınıñ Üzäk Aziädäge wäkile Martti Ahtisaari, ike atna elek yuğalğan keşe xoquqları aktivistı Tursunbek Akunov turında söyläşer öçen bügen Qırğızstan prezidentı Askar Akayev belän oçraşqan. Soñınnan jurnalistlar aldına çığıp Ahtisaari, xökümät Akunovnıñ qayda bulğanın belmägänen äytte, dip belderde. "Akunov mäs'äläsen başqa illärdä kebek ük min xökümättä dä kütärdem. Bu – keşe xoquqların bozu oçrağımı, belmim," dide Ahtisaari.
Akunov 16 noyaber könne, xatını Gulmira Japarova äytkänçä, Qırğız Milli İminlek Agentlığı räsmie belän oçraşuğa kitüdän qaytmağan. İminlik Agentlığı Akunovnıñ yuğaluına qatnaşın kire qağa, anı tabırğa tırışuı turında belderä. Yuğalğançı, Akunov prezident Akayevnı wazifasınnan çitlätü kampaniäsen alıp barğan.
