Yäkşämbe könne Macarstanda referendum itäçäk. Referendumğa ike soraw quyıla: berse – çit illärdä yäşägän etnik macarlarğa watandaşlıq birü-birmäw häm sälämätlek saqlaw sistemasın däwlät qaramağında qaldıru-qaldırmaw mäs'äläläre. Watandaşlıq mäs'äläse Macarstan öçen xäl itkeç, referndumda küpçelek "yuq" digän cawap birsä bu – çittäge 2 million yarım macarnı yuğaltunı añlataçaq. Fiker beleşülär, xalıqnıñ küpçelegeneñ çittäge macarlarğa watandaşlıq birüne yaqlawın kürsätä, ämma birelgän tawışlar kiräk bulğan 25%qa citmäs digän farazlar bar.
