Accessibility links

сишәмбе, 6 декабрь 2016, Казан вакыты 20:53

Yalğan kemgä faydalı?


Matbuğat, radio-televidenie döreslekne xalıqqa citkerü öçen kiräk. Qazan universitetınıñ jurnalistika fakul'tetında studentlarnı şulay dip öyrätälär. Ä şul uq studentlar yaña çıqqan gäcit yäki internet säxifälären açqaç, aptırap qala. Kürälätä yalğan yäki kemneder pıçratu küzgä taşlana. Monı xäzer qara piar dip atıylar. Kemneñder qapqasın degetkä manu xäzer şulay dip atala.
“Russkiy kur'yer” gäcitendä Aleksey Deminnıñ tatarlar häm başqortlar turında mäqälä bastıruın işetkäç, internet aşa uqıp çıqtım. Anda döres süzlär bar. Niçek itep Başqortstan tatarları Mäskäwdä Qorıltay ütkärgännär, digän sorawğa cawap bar anda. Härxäldä başinform agentlığınıñ 26nçı noyäberdä yazğan xäbärenä qarağanda anda xaqiqät kübräk. Mäskäwdä xaqiqät ütkärügä binanı Räsim Aqçurinnıñ birüe turında döres äytelgän. Ä qalğanı - tuqsan protsentı yalğan. Gäcittä yazılğança, Mäskäwgä 350 delegat tügel, ä 150 delegat barğan. Ufadağı agentlıq bu sannı un tapqır kimetep, 15 ekstremist tamğası suqqan ide. Yarıy, moña ğına çıdap bula. Aleksey Demin üzeneñ mäqäläsendä elekke yıllarda tatarlar Azatlıq! dip qıçqırıp, rus deputatların qıynadılar, başqa millätlärne qıyırsıttılar, dip yaza. Qazanda moña ber kem ışanmıy, çönki bu çep çi alğan. Ä gäcitkä uquçı ışanırğa mömkin.
“Nezawisimaya gazeta”da 30nci noyäberdä Vera Postnova imzası belän basılğan mäqäläsendä tağın da quyıraq deget tapqan. Ul tatar cirlärenä waxabçılıq, respublikanıñ möstäqillek Deklaratsiä qabul itü näticäsendä ütep kerde, dip yaza. Ni äytäseñ moña? Tel äräm itäse dä kilmi. Şulay da intertat ru elektron gäciteneñ tatarça çığarılışı möxärrire Älfiä Miñnullinanıñ mondıy xällärgä mönäsäbät belderüen soradım. Älfiä Miñnullina mäğlumat höcümnärenä cawap biräse dä tügel, dip beldersä dä üzeneñ mönäsäbäten yäşermi. Şundıy uq mäğlumat höcümnärenä räsmi säyäsätçelär, ütken qälämle jurnalistlar niçek qarşı tora? Xäzergä bu eştä yärdäm itärlek säyäsätçelär taba almadım. YÄ alar bik mäşgul', internetta qazınıp utırmıylar, yä gäzit uqımağannar. Şulay da min ömetemne özmim. İnterv'yu alırğa keşe ezlim.
Al'bina Zäynulla, Qazan.

XS
SM
MD
LG