Accessibility links

якшәмбе, 4 декабрь 2016, Казан вакыты 03:03

Ukraina Radası Yanukoviç xökümäten çitlätü öçen tawış birde


Bügen Ukraina parlamentı premier-ministr Viktor Yanukoviç xökümäten çitlätü öçen tawış birde. Oppozitsiä täqimen Yuğarı Radanıñ 229 deputatı xupladı. Bu qarardan soñ prezident Leonid Kuçma Konstitutsiä nigezendä xäräkät itäçägen belderde. Konstitutsiägä qarağanda prezident parlamentnıñ mondıy qararına buysınırğa möcbür tügel. Tawış birüdän soñ parlament räise Volodymyr Lytvyn bolay dide:

Audio (Volodymyr Lytvyn) "Döresen äytkändä bu qarar premier Yanukoviçnı başqa xälätkä quydı. Bu qarar oppozitsiä namzäte Viktor Yuçenko faydasına."

21 Noäyberdä ütkän prezident saylawlarında ciñüçe dip Yanukoviç iğlan itelgän ide. Oppozitsiä citäkçese Viktor Yuçenko tarafdarları bu näticäne xärämläşü dip atıy, häm inde 10 kön rättän qarşılıq çaraları ütkärä. Yuğarı mäxkämä oppozitsiäneñ şikäyätlären tikşerä. Bügen Yanukoviç Yuğarı mäxkämäne saylaw näticälären yuqqa çığarıp yaña saylawlar iğlan itergä çaqırdı. Kievta Yevropa aradaşçıları qatnaşında söyläşülär bara.

XS
SM
MD
LG