Accessibility links

җомга, 9 декабрь 2016, Казан вакыты 22:28

Qazanğa Cämilä kilä


1 dekaber kiçendä Tatar filarmoniäseneñ konsertlar zalında şağir Ğäbderäxim Utız-İmänineñ tuuına 250 yıl tuluğa bağışlanğan çara uzdı. Tatarstan Yazuçılar berlege oyıştırğan älege ädäbi-muzıkal’ kiçädä bilgele şağir, filolognıñ äsärlären, anıñ tormışına bağışlanğan öyränülärne işetergä mömkin ide.

Şuşı könnärdä genä Qazanğa Amerikadan kompozitor Mäsxüdä Şämsetdinova qayttı. Ul monda uza torğan respublika kompozitorları berlegeneñ cıyılışında qatnaşa.

Dekaber urtalarında Tatarstan başqalasına Finländiädän cırçı Cämilä dä kiläçäk. Ul qazanlılarğa üzeneñ Helsinki-Qazan dip atalğan konsert programmasın täqdim itäçäk. Cämilä häm anıñ mondağı icattaşları qatnaşlığındağı kiçälär Kärim Tinçurin isemendäge teatrda 15 häm 16 dekaberdä ütäçäk. Xäyer, bu xaqta belüçelär küp tügel. Cırçınıñ süzlärenä qarağanda, konsertlar xaqında xäbär taratır öçen töşerelgän reklama roligın televideniedän kürsäter öçen Cämilädän 1700 dollar aqça sorağannar. Şulay bulsa da, Finländiädän kilgän tatar cırçısınıñ çığışları turında anıñ icatın yaratuçılar inde xäbärdar.

Gölnaz İlgizär

XS
SM
MD
LG