Accessibility links

җомга, 9 декабрь 2016, Казан вакыты 12:48

Tatarstan Hindstan belän xezmättäşlek turında söyläşä


2 dekaberneñ räsmi yañalıqları. Tatarstan prezidentı Mintimer Şäymiev pänceşämbe könne Ulyan ölkäseneñ Dmitrovgrad şähäre xakimiäte başlığı Sergey Morozov belän oçraştı. Anda süz Ulyan ölkäsendä kiläse yäkşämbedä uzaçaq gubernator saylawlar turında süz bardı. Şunısı qızıq, älege saylawlarda Sergey Morozov ta qatnaşa. Oçraşuda Mintimer Şäymiev, soñğı yıllarda ölkä xalqı citäkçelärdän uñmadı, bu yulı alar döres itep saylarlar, digän ömet belderde. Sergey Morozov isä, älege saylawlarda ölkädäge tatarlarğa ömet bağlawın äytte.

Respublikanıñ premyer-ministrı Röstäm Miñnexanov isä Hindstanğa kitte. Tatarstan belän Hindstan arasındağı säwdä-iqtisadi bağlanışlarnı Miñnexanov citäkçelegendäge respublika delegatsiäse 5 dekabergä qädär kiñäytäçäk. 3 dekaberdä Hindstan respublikasına Rusiä prezidentı Vladimir Putin da kiläçäk. Şuşı könnän başlap tatarstanlılar Putin delegatsiäse qısalarında eş alıp baraçaq.

Hindstannan soñ Rusiä prezidentı Törkiägä yul totaçaq. 3-4 dekaberdä anda Mintimer Şäymiev tä kiler dip kötelä. Kommersant gäcite mäğlümätlärenä qarağanda, Şäymiev Tatneft şirkäteneñ general direktorı Şäfäğät Tähäutdinov belän bergä Tupras kompaniäseneñ yazmışı xaqında söyläşülär alıp baraçaq. Törkiä xökümäte 1 dekaber könne älege kompaniäne yañadan satuğa quyuı turında iğlan itte. Tatneft’ isä Tuprasnı äle haman alırğa teli. Läkin bu yulı tatarstanlılar aldan tülängän 1,3 milliard dollar tügel, ä kübräk tülär, dip farazlıy belgeçlär. Tatneft’ şirkäte wäkilläre bu xaqta älegä bernindi añlatmalar da birmilär.

Qazanda pänceşämbe könne Tatarstannıñ 100 iñ äybät tawarı digän bäygeneñ näticäläre bilgele buldı. Bıyıl inde ikençe märtäbä ütkärelä torğan bu bäygeneñ maqsatları – respublika iñ sıyfatlı, konkurentlı tovar citeşterüçelärne barlaw. Tatarstannıñ KamAZ berläşmäse Başqortstannıñ Neftekama şähärendä çığara torğan NefAZ avtobusları älege bu bäygedä ciñmäsä dä, alarğa soraw zur. Şuşı könnärdä genä 100 NefAZ avtobusı Ufanıñ transport parkın tulılandırdı.

Gölnaz İlgizär

XS
SM
MD
LG