Comğa könne ul qanun proyektınıñ öçençe uqılışı bulırğa tieş häm şunıñ belän qabul da iteläçäk dip tä faraz itärgä kiräk. Däwlät dumasında, bu qanun äle yaña yılğa qädär ük ğämälgä keräçäk dip äytälär. Bu qanun proyektın , federatsiä häm töbäqära säyäsäte komitetı äzerlägän häm anı şul komitetnıñ räise, “Berdäm Rusiä” partiäsennän saylanğan deputat Viktor Grişin täqdim itte. Bu qanun proyektı buyınça komitetqa 300 dän artıq tözätmälär birelgän bulğan. Läkin alarnıñ barı tik sigeze genä tözätmä bularaq qabul itelgän. Deputatlar arasında bäxäs çığarğan tözätmä, ägär dä Rusiä prezidentı täqdim itkän nämzät ike tapqır tikşerelgännän soñ cirle parlament tarafınnan raslanmıy ikän, ul parlamentı Rusiä prezidentı tarata ala digän matdägä qarıy. Biredä deputatlar öç tapqır täqdim itkännän soñ ğına cirle parlament tarafınnan qabul itelmäsä. Ul parlament taratıla ala digän tözätmäne kertergä tırışalar. Läkin ul iskä alınsa da öçençe uqılışta tözätmä bularaq qanunğa terkäler mikän? Xatta bäysez deputat Vladimir Rıyjkovnıñ, ägär dä Tatarstanda parlament taratılsa, ikençe Çeçän kilep çıqmasmı digän, Tatarstannıñ däwlät şurası räise urınbasarı äytkän süzlären qabatlawı da işetelmi qaldı şikelle.Bu qanun proyektına qarata birelgän tözätmä, östämälärgä qarata Tatarstan deputatlarınıñ da üz fikere bar. Şulay bulsa da qanun proyektına alar täqdim itkän tözätmälärneñ qayberläre genä iğtibar bulğan. Bu xaqta min Däwlät Dumasında Tatarstan deputatı İldar Gıyl''metdinov , bez küp törle tözätmälär täqdim itkän idek. Alarnıñ kübese qanun proyektına kertelmi qaldı. Xäzer kertelmäsä, parlament tıñlawları waqıtında urınnan qıçqırıp qına anı qanun proyektına kertep bulmayaçaq inde , dide. Şul uq waqıtta ul, Rusiä prezidentınıñ bu täqdimen Tatarstan prezidentı da yaqlaw çıqtı. Bik qanun proyektı qabul itelgän oçraqta da Tatarstan kebek köçle respublikalarğa qağılır dip uylamıym, läkin qanun barlıq Rusiä töbäkläre öçen dä ber bulırğa tieş. Bügenge köndä Rusiä töbäklärenä quyılğan citäkçelär arasındağı citeşsezleklär, professional'' bulmağan, säyäsättä täcribäsez keşelärneñ xakimiätkä kilüenä qarşılıq yözennän Rusiä prezidentı bu qanun proyektın täqdim itärgä mäcbür , dide Tatarstan deputatı İldar Gıylmetdinov.
Näzifä Kärimova, Mäskäw
Näzifä Kärimova, Mäskäw
