Accessibility links

сишәмбе, 6 декабрь 2016, Казан вакыты 08:42

Bagapş: Rusiäneñ Abxaziägä iqtisadi çikläwlär kertüe "ükeneçle" adım


Abxaziädä 2 ay elek ütkän prezident saylawlarında ciñüçe dip tabılğan Sergei Bagapş, Rusiäneñ, bu respublikağa iqtisadi çikläwlär kertü niäten "ükeneçle" adım dip atadı. Azatlıqnıñ Tönyaq Kavkaz bülegenä birgän äñgämäsendä Bagapş, bu adım Abxaziä iqtisadına inde zıyan kiterä dide:

Audio (Sergei Bagapş): "Çik buyındağı rejimnı qırıslatu keşelärgä tiskäre yoğıntı yasıy. Bezneñ xalıq Rusiägä yäşelçä, ciläk-cimeş alıp baruın tuqtata. Berük waqıtta Abxaziägä tawar kilü tuqtala. "

Kiçä Rusiä räsmiläre Mäskäw-Suxum timer yulın yabu häm çiklärne köçäytü turında qarar qabul itte. Bagapş düşämbedä prezident wazifasına kerergä cıyına. Mäskäw isä bu urında Rusiä taraflı Raul Xajimbanı kürergä teli. Bagapş wazifağa kersä Rusiä çiklärne tomalaw belän kisätä. Pänşeşämbedä Gruziä Tışqı eşlär ministrı Salome Zurabişvili Rusiäne Abxaziä eşlärenä tıqşınuda ğäyepläde. İnterfax agentlığı Salome xanımnıñ, Rusiäneñ Abxaziädäge xällärgä bertuqtawsız tıqşınuı qabul iterlek tügel, digän süzlären kiterä.

XS
SM
MD
LG