Accessibility links

пәнҗешәмбе, 8 декабрь 2016, Казан вакыты 12:53

Ğiraq sönniläreneñ tağın ber citäkçese 30 ğinwar saylawların kiçekterergä çaqırdı


Ğiraq Sönniläreneñ Dulami qäweme başlığı Şäix Mäyed Äbdelrazaq Äl-Söläyman, ğinwarnıñ 30na bilgelängän saylawlarnı kiçekterergä çaqırdı. Şuşı möräcäğäten ul waqıtlı premier-ministr Ayad Allawiğa cibärgän. Ğiraqnıñ İslam partiäse şul uq maqsatlarda mäcles ütkärergä cıyına. Uzğan atnada Ğiraqnıñ berniçä sönni ruxanie, ildäge iminsezlek säbäple, saylawlarnı 6 ayğa kiçekterergä çaqırğan ide. Bügen Washingtonda Amerikan prezidentı George Bush bolay dide:

Audio (George Bush): "Saylawlar kiçekterelä almıy, Ğiraqlılarğa tawış birergä waqıt. Şuña kürä bez 30 ğinwar könendä qatı torabız."

Kiçä Ğiraqnıñ saqlanu ministrı Hazim Şaalan ildäge iminlek şartları saylawlar ütkärerlek tügel digän belderü yasağan ide. Ämmä Ğiraqnıñ waqıtlı xökümäte 30 ğinwar könennän ciğenergä cıyınmıy. Ul arada Bügen Bagdad üzägendä bulğan atışular näticäsendä ber keşe hälaq buldı, berniçäse yaralandı. Quşma Ştatlar Ğiraqtağı saylawlar aldınnan andağı ğäskär sanın 138 meñnän 150 meñgä citkeräçägen belderde.

XS
SM
MD
LG