Accessibility links

якшәмбе, 4 декабрь 2016, Казан вакыты 17:21

Başqortstanda yäşägän cırçı Vener Mostafinnıñ wafatına1 ay tuldı


Vener Mostafinnıñ faciğäle ülemenä näq 1ай tuldı. Anıñ tawışın , cırlawın işetergä teläwçelär bik küp. Başqortstanda yäşäwçe tatarlar turında süz çıqsa, Vener Mostafinnıñ ni öçen dönyadan kitüenä etärgän säbäplär turında Tatarstan zıyalıları borçıluların yäşermilär. “Azatlıq”nı tıñlap barğannar, tatar başqort tormışı belän qızıqsınğannar gäzitlärdän , internettan uqıp ta belgännär, Başqortstanda yäşägän tatarlarnıñ tel , millät mäs’äläsendä xoquqları bozılu säbäple nindi xäldä yäşäwlären toyımlıylar. Ämma bez bügen säyäsät turında tügel, ä kübräk icat , talant turında söylibez. Jurnalist Rimzil Wäli üzeneñ yäş waqıtta Vener Mostafin turındağı istälekläre belän büleşä. “ 33 yıl elek Başqortstannıñ Ufadan 60 km yıraqlıqta urnaşqan Kuşnarenko rayonında “Avangard” isemle rayon gäzitendä eşlägän waqıtta uq anıñ belän tanışqan waqıt iskä töshä. Rayonnıñ mädäniät yortında “Kük qapusı açılsa” dip isemläпgän muzıkal' komediädä Venernıñ köçle tawışın işetep anıñ talantınıñ yıldan yıl- açılıp baruına yıraqtan ğına işetep , söyenep tordım. Şul waqıtta uq inde ul cır öçen, cırlaw öçen üzeneñ talantın niçekter, awazlarğa xislärgä äyländerer öçen canın fida qılırğa äzer ide. Säyäsät bu yulında anıñ, ömetlären kiskän. Qızğanıç, yäş talant, açılğan talant xalıqqa barıp citmägän kileş, sünärgä mäcbür buldı. Awır tufrağı ciñel bulsın. Vener Mostafinnıñ kassetaların, lazer tälinkälären çığarırğa kiräk”, - dide ul. Tatarstanda Ğ.Kamal teatrında bıyıl “Telsez küke”isemle spektakl'neñ premyerası buldı. Anı teatrnıñ baş rejisserı Färit Bikçäntäev säxnäläşterde. Bu spektakl'neñ muzıkasın Başqortstanda yäşägän kompozitor Rim Xäsänov yazğan. Aña Ufada icat şartları yuq, eş yuq. Ä xäzer sez bu xällärgä qarata Färit Bikçäntäyevneñ fikeren tıñlağız. “Bu qotıçqıç waqiğa bezne tetränderde, bez bik qayğırdıq. Tatarlarğa qarata anda bulğan mondıy qırğilarça qaraş qayçan tuqtar? Bez garstrol'lärgä barğanda da monı toyabız”,-dide ul. Ä xäzer “Telsez küke” spektakleneñ avtorı, tanılğan cırçı, Zölfät Xäkimneñ fikere : Ul Vener Mostafinnı yaqınnan belmäsä dä, anıñ cırlağanın işetkäne bulğan ikän.Häm ul anı “matur tawışlı, çın säxnä keşese, sänğät keşese”itep qabul itkän bulğan. Xäzer sez Başqortstanda yäşägän tatarlarğa niçek yärdäm itü turında Zölfät Xäkimneñ fikeren işetersez. Anıñ äytüençä, xatta ike respublikanıñ prezidentları kileşüe arqasında da, çişep bulır ide bu mäs’äläne,- dide ul.Bez ni öçen bu turıda söylibez soñ? Bu faciğäle xäl turında matbuğatta, radio, televideniedä mäğlümat az bulğan. Küplär bu xällärne işetmi qalğannar. Cırçı häm “Aqçarlaq” gäziteneñ redaktorı Ğabdelfät Safin anıñ faciğäle üleme turında bötenläy işetmägän bulğan. Menä anıñ fikere. “İşetmägän idem , bik ğacäpländem... Bez bik neçkä küñelle keşelär. İcat keşeläre, alar, bötenläy ikençe keşelär.”,-dide ul. Bügen bez Vener.Mostafinnıñ wafat buluına 1 ay tulu uñayınnan Başqortstannıñ mädäniät türäläreneñ Vener Mostafinnı bu xälgä kiterep citkerüläre turında söylämibez. Ämma xalıq üz xalqı cırçınıñ, yäşäw öçen köräşkän qorbannarın onıtmıy.Anıñ tormış iptäşe Wäsilä xanım äytüençä : “Cır anıñ öçen yäşäw mäğnäse ide”,- di ul.

Mälikä Basıyr, Qazan.

XS
SM
MD
LG