Accessibility links

пәнҗешәмбе, 8 декабрь 2016, Казан вакыты 06:56

"Oçraşu" tapşıruına 15 yıl


"Udmurtiä" däwlät teleradiokompaniäseneñ radio efirında berençe tatar tapşıruı yañğırıy başlawına 15 yıl tuluı xaqında, xörmätle tıñlawçılar, bez sezgä xäbär itkän idek. Ütkän comğada İjaw şähäreneñ filarmoniä binasında älege datağa bağışlanğan kiçä bulıp uzdı. Kiçädän tamaşaçılar "Oçraşu" tapşıruı bezne ozaq yıllar efirda oçraştırsın",- dip taralıştı. Kiçägä tapşırunıñ berençe redaktorı İrek Xisametdinov, radiojurnalnı efirğa çığaruda zur tırışlıq kürsätkän milli xäräkät äğzaları, xakimiät wäkilläre, millättäşlärebez cıyılğan ide. Udmurtiädä häm tatarlar yäşägän küp kenä regionnarda tanılğan cırçılarıbız respublikanıñ atqazanğan mädäniät xezmätkärläre Enirä Safina, İrek Möxämmätcanov, Sarapuldan Röstäm Valiev, El'wira Sälimcanova, milli sıynıflarda uquçı Diliä Äxmätşina, Aygöl Ğizzätullina häm başqa cırçılar başqarğan cırlar zalda cıyılğan tamaşaçı küñelenä xuş kilde. Tamaşaçılar İjaw şähäreneñ 116-nçı balalar baqçasınnan kilgän nänilär çığışın da cılı qabul itte. Gimnaziä uquçılarınıñ matur itep tuğan telebezdä zäylägän şiğerläre alqışlarğa kümelde. Däwlät Sovetınnan, milli säyäsät, mäğlumat, mäğärif ministıyrlıyklarınnan wäkillär tatar tapşırularınıñ respublikada yäşäwçe barlıq millätlär arasındağı duslıqnı propagandalawda, sotsial' tormışnı yaqtırtuda, milli sıynıflar eşen kürsätüdä yärdäme öçen räxmät süzlären citkerdelär, häm ğomumän tapşıruğa yuğarı bäya birdelär. Ayıruça cılı süzlärne "Oçraşu" tapşırularında üzeneñ yalqınlı çığışları belän millättäşlärebezne üzebezneñ mänfägat'lärne yaqlarğa öndägän Udmurtiä tatar ictimaği üzägeneñ berençe Prezidentı Mäsgut Waxit ulı Garatuev citkerde. Tamaşaçılar "Oçraşuğa" bağışlap yazılğan cirle avtorlarıybıyz İbrahim Biektawlı, Şihabetdin Sadıykov, Gimran Safin şiğerlärennän dä, yağımlı süzlärennän dä alarnıñ kiläçäktä dä tapşırularda yış qunaq bularaq qatnaşıp, radiotıyñlauçılarnı sienderäçägenä inandı. "Oçraşu" radiojurnalınıñ 15 yıllığına bağışlanğan kiçä bu yıllarda anıñ millättäşlärebez tarafınnan yaqlaw tabuın, kötep alınğan informatsiä çarası buluın rasladı. Tapşırularğa kiläçäktä dä tuğan telebezgä mäxäbbät tärbiäläwdä, mädäniätebez, sänğätebez useşenä, ğöref—ğädätlärebezne saqlap qaluda üz öleşen kertüen däwam itärgä, qızıqlı keşelär belän oçraştırırğa telädelär.

XS
SM
MD
LG