Accessibility links

чәршәмбе, 7 декабрь 2016, Казан вакыты 00:53

4 dekaber - Mojgada tatar cıyını


4 dekabergä Udmurtiäneñ Mojğa şähärendä yäşäwçe tatarlarnıñ ğomumi cıyını bilgelände. Anı cirle milli—mädäni möxtäriät äzerläde. Mojgada milli-mädäni möxtäriätneñ oyışuına ike yıl tuldı. Älege cıyınnıñ kön tärtibenä oyışmanıñ ike yıl eşçänlegenä isäp-xisap, idärä sostavın tulılandıru, şulay uq Udmurtiä külämendä milli-mädäni mäxtäriätne oyıştıru buyınça mäs'älälär quyılğan. Mojğa şähärendäge milli mäxtäriätne millättäşebez İlgiz Xänif ulı Kadıyrov oyıştırdı. Ul ike yılda tatar xalqınıñ ixtıäcların qänäğätländerü buyınça baytaq eşlär başqarıldı dip başladı süzen äñgämäbezdä häm İlgiz ağa iñ uñışlı eşlären sanap ta kitte. (audio) Äye, tatar balaların ber sıynıfqa tuplap uqıta başlaw, möxtäriätneñ iñ zur uñışlarınıñ berse. Şulay uq qurşeläre Tatarstannıñ Kukmara, Mendeleev, Alabuğa töbäkläre belän dä kileşü nigezendä eş alıp baruları, millättäşlärebezneñ mänfägat'lären qayğırtuda yärdäm itä. Udmurtiä külämendä milli-mädäni möxtäriätne oyıştıru cıyını 12 dekabergä bilgelängän. Bu könne rossiälelär Konstitutsiä könen bilgeläp ütä. İlneñ Töp Qanunında bilgelängän xoquqların Udmurtiä tatarları yaqlıy alırmı? Möxtäriätne tözü mäs’äläse ike yıl elek qaralğan ide. Ämmä anda törle qarşılıqlar kilep tudı, häm oyışmanı buldıra almadılar. Xäzer möxtäriätne tözü mäs’äläse belän başqa keşelär şöğellänä. Mäs'älä niçek çişeler. Bu xaqta mäğlumatlarnı sezgä ike atnadan citkerergä ışandırıp, İjawdan Xämidä Ğayfullina.

XS
SM
MD
LG