Accessibility links

пәнҗешәмбе, 8 декабрь 2016, Казан вакыты 07:09

Ukraina Yuğarı Mäxkämäse ikençe tur saylawlarnıñ näticäsen köçtän çığardı


Ukrain Yuğarı Mäxkämäse prezident saylaularınıñ ikençe turınıñ näticälären köçtän çığardı häm ul qabatlanırğa tieş digän qararğa kilde. Yuğarı Sovetı bu näticägä biş köngä suzılğan tıñlaulardan soñ kilde. Şulay itep Yuğarı Mäxkämä oppozitsiä kandidatı Viktor Yuşenkonıñ şikayäten qänäğätländerde

Sez qısqaça xäbärlärebezdä Yuğarı Mäxkämäneñ qararın işetergä ölgerdegez inde. Xäzer bu turıda ber az täfsilleräk. Yuşenko taraftarları İrek Maydanında Yuğarı Mäxkämäneñ bu qararın üz kandidatınıñ isemen qıçqırıp qotladı.

Audio

Çınnan da Ukraina Yuğarı Mäxkämäneñ bu qararın sabırsızlıq belän kötte. Bu xaqtağı tıñlaular häm tikşerü eşe biş köngä suzıldı. Anda Yuşenko väkilläre dä, Üzäk Saylau komissiäse ağzaları da häm Yanukoviç väkilläre dä üz argumentların kiterep, tanıqlıq ittelär. Çomğa kiçen Yuğarı Mäxkämä räise Anatoliy Yarema mäxkämä qararın iğlan itep, ikençe tur saylaular 26-nçe dikäbergä qädäre ütkärelergä tieş dip belderde

Audio

"Prezident saylauları turındağı Ukrain qanunınıñ 1-nçe bülegeneñ 85-nçe maddäsenä esasän. Üzäk Saylau Komissiäsenä ikençe tur saylaularnı 5-nçe Dikäberdän başlap öç atna eçendä ütkärergä digän kürsätmä birergä."

Yuğarı Mäxkämäneñ bu qararı ikençe tur saylaular bulaçaqmı, yäisä saylaular baştan ütkäreläçäkme, ällä saylaular bötenläy qabatlanmasmı digän farazlarğa noqta quydı. Bu Yuşenko telägän qarar buldı. Kuçma häm anıñ keşese Yanukeviç isä saylaularnıñ tulısınça yañadan ütkärelü ideasın yaqladılar. Monıñ öçen öç ay vaqıt kiräk bulır ide häm Kuçma xakimiätät ozağıraq qala alır ide. Russiä prezidentı Putin dä ikençe tur saylaularnı qabatlaunı Kuçma belän oçraşqanda kire qaqqan ide. Bu inde qayber küzätüçelärdä Ukrainadağı krizista soñğı süzne Mäskäv äytäçäk mikän digän sorau tudırğan ide. Läkin, Yuğarı Mäxkämäneñ qararı, älbättä, ütälgän xäldä, Putin süzeneñ ütmägän buluın kürsätäçäk. Yuğarı Mäxkämädä Yuşenkonı väkillek itkän advokat Mıkola Katerinçuk , mäxkämä qararınnan soñ jurnalistlar belän oçraşqanda bolay dide

Audio

"Bu maydanda torğan keşelär häm demokratiä öçen zur ciñü bulıp tora."

Yanukeviç häm Üzäk Saylau Komissiäseneñ väkilläre, xakim qararnı iğlan itär aldınan uq mäxkämä binasınnan kitkännär. Küräseñ, qararnı aldan belgännär.

Färit İdelle, Praga.
XS
SM
MD
LG