Accessibility links

якшәмбе, 4 декабрь 2016, Казан вакыты 03:03

Ukraina:saylaw qanunı ,konstitutsiä reformaları turında yaña bäxäs


Ukrainada säyäsi krizis däwam itä. Opozitsiäneñ prezident namzäte V.Yuşçenko tarafdarları belän xökümät arasında yaña bäxäs kilep çıqtı.Bäxäs qabatlanaçaq saylawlar öçen äzerleklär mäsäläsendä borçılular tudıra.

Bilgele bulğança Yuğarı Mäxkämä 21nçe noyäberdağı saylaw näticälären köçtän çığarğan häm yaña saylawlar ütkärelergä tieş digän qararın comğa kiç iğlan itte. Urınınan kitäçäk prezident Leonid Kuçma yaña ilbaşınıñ xakimiäten çiklägän konstitutsiä reformaları ürkärelergä tieş dip däğwä itä. Politik analitiklar opozitsiä kandidatı V.Yuşçenko bu ay azaqlarında ütkäreläçäk yaña tur saylawlarda ciñüçe bulaçaq dip farazlıy.Parlamentta Yuşçenko tarafdarları Kuçma täğdim itkän konstitutsiä reformaların , Yuşçenko 26nçe dikäberdä saylansa, anıñ xakimiäten çikliäçäk dip kire qağa.Qayber analitiklar qaraşınça , L.Kuçma 10yıllıq xakimiättän soñ çigensä dä äle dä ul nıq yaqlanğan parlament aşa üz täsiren däwam ittermäkçe.Reformalar premier ministr, saqlanu häm tışqı eşlär ministırların küzdä totmağanda barlıq yuğarı däräcädäge xökümät posların bilgeläwne prezidenttan parlamentqa küçeräçäk Prezidentnıñ 3 posqa bilgelägän namzätlärne dä parlament raslarğa tieş bulaçaq.Bäxäs Ukrainanıñ saylaw qanunına kerteläçäk üzgäreşne dä blokadaladı.Opozitsiä xärämläşülärne tuqtatu öçen qanun üzgärtelergä tieş dip belderep kilä.Parlament şimbädä reformalar eşendä kileşä almıy taraldı. Ul 10 könnän soñ ğına cıyılaçaq. V.Yuşçenko şimbä kiç Kievta yasağan çığışında(audio) Prezident Yzäk Saylaw Komisiäsen taratu yaña komisiä bilgeläw turında farman çığarğançı xökümätne de yura taratqançı häm 26nçe dikäber saylawları turında qağıydälär qabul itkänçe , dialognıñ mäğnäse yuq. L.Kuçma opozitsiäne reformalarnı raslaw turında birgän wäğdälären ütämäwdä ğäyepläp çıqtı.Ul Rusiä häm Yevropalı aradaşçılarnı düşämbe könne Kievqa qaytırğa çaqırdı. färidä xämit
XS
SM
MD
LG