Accessibility links

шимбә, 10 декабрь 2016, Казан вакыты 00:10

Tatarstan Kompozitorlar berlegeneñ qorıltayı barışındagı ber konsert häm fiker alışu


Tatarstan kompozitorlar berlegeneñ IX syezdı däwam itä. Syezd qısalarında inde noyäberneñ azağında uq berniçä konsert oyıştırılğan ide. Ä dekaberneñ başınnan tağın kamera muzıkası konsertları bardı. Menä äle uzğan şimbä, 4 dekaberdä Kompozitorlar berlege urnaşqan zalda çirattağı konsert buldı. Bu konsertta bezneñ aradan kitkän, ämma xalıqnıñ yaratqan kompozitorları S. Säydäşev häm , M.Mozaffarovnıñ äsärlären yañaça eşkärtep tamaşaçığa täqdim itüçelär dä buldı. Konsertta şulay uq ataqlı kompozitor, akademik muzıka janrınıñ sağında toruçı Rinat Yenikeevnıñ yaña äsärlären tamaşaçı Tatarstannıñ qıllı kvartet ansamble başqaruında işette. Şulay uq yäş kompozitor Gölnara Timerbulatovanıñ äsärläre dä yañğıradı. Ä Liliä Tahirovanıñ vokal öçen yazılğan äsärlären cır janrında yañğıratuçılar da buldı.Konservatoriädä kompozitsiä bülegen tämamlağannan soñ, Amerikada Boston şähärendä k/fil'mnar öçen muzıka yazuda stajirovka ütkän Tübän Kama yegete Radik Sälimov üzeneñ icat itkän muzıkasın ul ber eksperiment räweşendä täqdim itte.“Bu minem tormışım. Minem başqaça, yañaça eşlisem kilä. Tatar kinofil'mına muzıka yazar idem”,- di ul. Xäzer bu muzıkadan ber özek tıñlana. Konserttan soñ şul uq zalda fiker alışu buldı. Fiker alışuda Kompozitorlar Berlege räise Räşit Kalimullin , anıñ urınbasarları häm muzıka belgeçläre, kompozitorlar qatnaştı. Çığışlardan bilgele buluınça, sänğät ölkäse aldında torğan problemalar inde çiktän aşqan ikän. Syezdnıñ däwamı äle 11 dekabergä qädär baraçaq. Ä 8 dekaberdä S.Säydaşev isemendäge Zur konsert zalında Simfonik konsert oyıştırılaçaq. Ä anda inde tatarlarnıñ bik qızıqsınıp kötkän Mäsxüdä Şämsetdinovanıñ “Çıñgızxan” simfoniäse berençe tapqır tamaşaçığa täqdim iteläçäk. Ä 10 dekaberdä şul uq zalda Anatoliy Luppovnıñ 75 yıllıq yubiley kiçäse ütäçäk.

Azatlıq radiosı, Mälikä Basıyr Qazan.

XS
SM
MD
LG