Accessibility links

җомга, 9 декабрь 2016, Казан вакыты 12:58

Abxaziädä köndäşlär kötelmägändä kompromissqa ireştelär


Russiäneñ ekonomik blokada quyu belän kisätüe säbäple, Abxaziädä prezidentlıq urnı öçen köndäşlär Yäkşämbe könne kompromiss kileşügä ireştelär. Kileşügä esasän, oppozitsiä citäkçese Sergey Bagapş häm elekke premier Raul Xacimba yaña saylaularda ber isemlektä qatnaşaçaqlar. Läkin Abxaziädä vazğiät kisken bulıp qala birä. Düşämbedä başqala Suxumidä şartlaular bulğan.

Berençe şartlau irtänge säğät 7-dän elegeräk Suxumidäge ber mäktäo binasında bulğan. Şunnan soñ iñ kimendä tağı da ike şartlau bulğan dip belderelä. Berävgä dä zian kilmägän şartlaular öçen älegä ber kem dä cavaplılıq almağan. Suxumineñ militsiä başlığı Otar Xetsiä, şartlaularnñ maqsäte prezidentlıq postı öçen köndäşlär kompromissqa ireşkännän soñ, ildäge vazğiätne totrıqsızlandıru bulırğa tieş dip belderde. Oppozitsiä kandidatı Bagapş belän Xacimba bu xaqtağı kompromissqa Yäkämbe könne ireştelär. Xacimba oçraşudan soñ jurnalistlarğa bu añlaşu politik maqsätlär öçen köç qullanu ixtimallığın kimetäçäk dip ışanuın belderde.

Audio

"Bez kierenkelekne sülpänäytü, ber törkem bularaq saylaularda qatnaşu öçen här närsäne eşliäçäkbez. Min bu iñ cälep itüçe xäl çarası häm yaqlauçılarıbız öçen iñ uñay yul dip xisaplıym. Oçraşuıbız kierenkelekne yomışartuğa öleş kertäçäk dip ışanam. Bu uñay täräqqiät häm taraftarlarıbız belän oçraşırğa da vaqıt birä."

Süz nindi kompromiss turında bara soñ? Prezidentlıq öçen yarışqan köndälär kiläse saylaularda ber isemlektä ike urın öçen qatnaşaçaqlar. Bagapş prezidentlıq, ä Xacimba visi-prezidentlıq urnı öçen kandidatlıqların quyaçaqlar. Bagapş, xakimiät mäsäläse yañadan bilgelänäçäk häm prezident belän visi-prezidentnıñ xakimiätläre arasında zur ayırma bulmayaçaq dip belderde. Yaña saylaular ike aya eçendä ütkärelergä tieş. Başta ul 26-nçe dikäberdä bulaçaq dip belderelsä dä, Xacimba bügen monı kire qaqtı. Bu xaqta söyläşülär dävam itärgä häm başqa kandidatlarğa da anda qatnaşu mömkinlegen birergä häm centekläp äzerlänergä kiräk dip belderde. Üzäk Saylau Komissiäse 3-nçe üktäberdäge saylaularda Bagapş ciñep çıqtı dip iğlan itsä dä, Xacimba xärämläşülär buldı dip anıñ näticälären qabul itmäde. Postınnan kitäräg tieşle häm Xacimbanı yaqlauçı Abxaziä prezidentı Ardjinba Russiäneñ dä yaqlauı belän saylaular yañadan ütkärelergä tieş dip belderde. Bagapş planlağança prezident itep ant itkän xäldä, postınnan kitmäv belän kisätte. Abxaziägä Görcstanan ayırılıp çığarğa yardm itkän Russiä dä, ekonomik blokada salu häm timer yulı elemtäsen özü belän kisätü belän genä çiklänmäde, monı eşläde dä. Bagapş äle beniçä kön elekke kenä planlağança, bügen prezident bularaq ant itkän xäldä, çikne yabu belän dä kisätte. Abxaziädä yäşävçelärneñ kübese Russiä passportlı häm iqtisad ölkäsendä dä tulısınça Mäskävdän bäyle.

Färit İdelle, Praga.
XS
SM
MD
LG