Söğüt Ğäräbstanında AQŞ konsullığına höcüm oyıştırıldı

Suğut Ğäräbstänendäge AQŞ ilçelege räsmiläre Ciddä şährendä urnaşqan konsulıqqa yasalğan höcüm turında ,ällä ni detalle mäğlümät birmi, insidentnı rasladı ğına. İlçelek süzçese Carol Kalin Reuters-ga insidentta ber genä AQŞ diplomatı yäki xezmätkäre zian kürmäde dip äytsä dä dä ul 2 cirle xezmätkärneñ yaralanuın beldergän. Suğut Ğäräbstäne eçke eşlär ministırlığı belderüendä dä ällä ni täfsille mäğlümät yuq. Anda bolay dielgän ekstermistlar konsullıq qapqasına şartlağıçlar atıp binağa kerde . İminlek köçläre kontrol urnaştırıp höcüm itüçe 3 keşene üterde yaralanğan 2sen qulğa aldı dielä. Ministırlıq belderüendä suğutlı 4 saqçınıñ üterelüe turında äytelmäsä dä iminlek xezmätläre bu sannı raslıy. İminlek köçläre başta cirle 18 xezmätkärneñ totıq itep alınuı turında söyläsä dä , Ministırılq belderüendä bu turıda äytelmi, tik kontrol urnaştırıldı dielä..Bu insident Suğut Ğäräbstänendä may ayınnan soñ in zur höcüm bulıp tora.Ul çaqta al Qaida suğışçıları Xobar şährendä neft şirkätläre häm çit il keşeläre torğan yortlarğa höcüm oyıştırıp 22 çit il keşese , 7 iminlek xezmätkären ütergän ide .Başlıça çit il keşeläre häm iminlek xezmätkärlären hädäf itep alğan 18aydan birle däwam itkän köç qullanuda 170 keşe qorban buldı. Suğut xökümäte ekstermist törkemnärne yuq itergä tırışa. Älege waqıtta de fakto il belän idarä itkän Şäxzadä Abdulla bin Abdul Aziz Xobar höcümennän soñ ğıysyançılarğa bernindi märxämät kürsätelmiäçäk digän ide(audio) Mondıy insidentlar suğutlar , şulayuq Suğut Ğäräbstänendä yäşäwçe başqa xalıqlarnıñ mänfäğätenä turı kilmi , möselman yäki keşeçelek, äxläk , şäräfkä xörmät itüçe, bu keşelärgä bernindi märxämät kürsätmiäçäk . Ekstremist törkemnär Suğut patşasın bärep töşerü kampaniäseneñ ber öleşe bularaq könbatış keşelären ildän quuırğa teli. Al Qaida kebek törkem patşa ğailäsen,rişwätçelektä şulayuq islam tuğan izge urında könbatış eşmäkärläre, injinerları häm başqalarınıñ eşläwenä röxsät birüdä ğäyepli färidä xämit