Accessibility links

җомга, 9 декабрь 2016, Казан вакыты 07:03

Taliban Karzainıñ inaguratsiäse waqıtında höcümnär oyıştıru belän kisätä


Bärep töşerelgän Taliban rejimı qaldıqları irtägä Äfğanstan prezidentı Xämit Karzainıñ wazifağa kerü tantanası waqıtında höcümnär oyıştıru belän kisätä. Talibannıñ xärbi citäkçese Mulla Dadulla irtägä ütäçäk inaguratsiä waqıtında keşelärne xökümät binası häm xärbi nığıtmalardan çittäräk torırğa çaqıra. Bu xäbärne Reuter agentlığı tarattı, ämmä Taliban citäkçeseneñ qayda ikänen açıqlamadı. Amerikan xärbiläre süzçese Mark McCann tieşle däräcädä iminlek çaraları kürelüen ışandırdı:

Audio (Mark McCann): "Äfğanstan politsiäse häm armiäsenä östäp, Xalıqara iminlek, koalitsiä häm tiz xäräkät itü köçläre cirdän dä hawadan da yärdäm itäçäk."

Karzainıñ Kabuldağı prezident sarayında ütäçäk inaguratsiä tantanasında Quşma Ştatlar vitse-prezidentı Dick Cheney, Saqlanu ministrı Donald Rumsfeld, başqa räsmilär qatnaşaçaq.

XS
SM
MD
LG