Accessibility links

чәршәмбе, 7 декабрь 2016, Казан вакыты 17:40

Rusiä Abxaziädä dä, Ukrainada da üze yaqlamağan namzätneñ ciñüe belän kileşmi


buldı. Xätta bu Könbatış belän Russiä arasındağı mönäsäbätlärgä dä nindider ber däräcädä külägä töşerde. İkençe tur saylaularnıñ näticäse räsmi räveştä iğlan itelmästän ük prezident Putin Yanukoviçnı ciñü belän täbrikläde. Yevropa Berlege häm AQŞ xärämläşülär säbäple näticäne tanımauın belderde. Putin Könbatışnı demokratiä digän bulıp Ukrainanı üz täsir zonasına kertergä tırışuda ğäyepläde. Yevropa Berlege monı kire qaqtı. AQŞ dävlät sekretarı Powell da bügen Yevropada İminlek häm Xezmäträşlek Oyışmasınıñ Sofiadağı oçraşuında yasağan çığışında , Putinneñ ğäyeplävlären kire qaqtı, täsir zonası dign äytem salqın suğış qaldığı dip belderde. Täsir öçen köräş turında başta Vedomostidä , ä bügen Moscow Timesta basılıp çıqqan maqälä.

Mäskävneñ kiläse äfilsun embargosı dip atalğan maqälädä şundıy fikerlär äytelgän. Mäskävneñ Abxaziädä häm bigeräk tä Ukrainada prezident saylaularında bilgele kandidatnı yaqlauı, yalğış kandidat ciñep çıqqan xäldä, mönäsäbätlärne kisken räveştä qatmarlandıruğa kiterde. Russiäneñ BDB illärenä qarata säyäsäteneñ arxitektorları prezident Putingä manever öçen mömkinlek qaldırmıylar. Ä nde bu säyäsätne Putin üze bilgelägän xäldä, ul üzenä aldan äytelgän näticälärgä ireşü öçen basım yasaudan başqa çara qaldırmadı. Ä inde prezident üz maqsätenä ireşä almağan xäldä, bu Russiäneñ abruyına orım yasayaçaq. Prezident saylauları 3-nçe üktäberdä ütkärelgän Abxaziädä vazğiät Ukrainağa qarağanda aldaraq bara. Räsmi näticälärgä qarağanda, oppozitsiä kandidatı Sergey Bagapsh berençe turda uq ciñep çıqqan häm vaqıt anıñ pozitsiäsen nığıta ğına bardı. Mäskäv moña yul quymasqa tırışa. Russiäneñ iminlekne saqlau köçläre Suxumi şähärendä üzlären kürsätep yöredelär. Regionnıñ töp kerem çığanağı bulğan äfilsun häm başqa cimeşlärne Russiägä satu tıyıldı. Çik buyında saqlıq çaraları nığıtıldı häm Russiä çikne tulısınça yabu belän kisätte. Mäskäv belän Suxumi arasındağı timeryulı elemtäse tuqtatıldı. Ä inde bu elemtä saylaulardan alda ğına, Russiä belän Görcstan arasında konfliktqa säbäp bulsa da, yañartılğan ide. Ukraina isä tağı da zurıraq ähämiätkä iä. Yanukoviçnı açıqtan açıq yaqlağan Putin şäxsi abruyın yuğaltu qurqınıçı aldında tora. Russiäneñ keçkenä Abxaziägä mönäsäbäten küz aldında totqanda , ukrainnarnı närsäneñ kötüen farazlau qıyın tügel. Ukrainnarğa Russiädä militsiädä terkälmiçä 90 kön qalırğa röxsät itkän häm yaña ğına qullanışqa kertelgän qäğidäne köçtän çığaru berençe çara bula ala. Annan soñ 26 meñ tonn känfet importın tıyğan embargo quyıla ala. Sälämätlegebez öçen yaxşıraq bulsa da, tormışbız azıraq tatlı bulaçaq. Gazprom öçen uñay bulmasa da, 715 meñ tonna ütkärgeç satıp alu quotasın köçtän çığarıp bula. Nixayät Kievqa barlıq oçqıç säfärlären tuqtatasıñ. Şulay itep bezneñ arığan säyäsi kiñäşçelärgä öçençe illär aşa säyäxät itärgä turı kiläçäk. Ni eşliseñ? Mondıy säyäsät arığannarğa yal itärgä röxsät itmi şul-dip yazılğan Moscow Timesta basılıp çıqqan maqälädä.

Färit İdelle, Praga.
XS
SM
MD
LG