Accessibility links

дүшәмбе, 5 декабрь 2016, Казан вакыты 11:35

Xämit Qarzai prezidentlıqqa ant kiterde


Bügen Äfğanstan başqalasında Xämit Qarzai prezidentlıqqa ant kiterde. Uñ qulın Qoränğä quyıp, Qarzai İslam nigezlären saqlarğa, Äfğanstannıñ Konstitutsiäsen häm başqa qanunnarın ixtiram itergä häm ütärgä süz birde. Anıñ süzlärençä, suğışçan törkemnärne qoralsızlandıru, narkotik säwdäsenä qarşı köräş, korrupsiäneñ tamırın qorıtu, Äfğanstan xalıqları arasında berdämlek buldıru - aldağı 5 yılda anıñ töp maqsatları bulaçaq. Qarzai 9 Üktäberdä ütkän berençe demokratik saylawlarda ciñü yawlağan ide. Kabulda ütkän inaguratsiä tantanasında 27 ilneñ wäkile, şul isäptän, Quşma Ştatlar vitse-prezidentı Dick Cheney, Saqlanu ministrı Donald Rumsfeld qatnaştı. Taliban suğışçıları höcüm oyıştıru belän yanawğa qaramastan, tantana tınıç ütte. Barı tik könyaq-könçığıştağı Xost wilayätendä bulğan bäreleşlärdä 6 taliban suğışçısı häm 3 Äfğanstan xärbie hälaq bulğan.

XS
SM
MD
LG