Ğiraqnıñ töp şiği partiäläre kiläse ayda ütäçäk saylawlarda berdäm köç bulıp qatnaşırğa kileşkän. Atom ökäsendä eşlägän ğalim Xösäyen Äl-Şahristani süzlärençä, şiğilarnıñ ruxanie Ayatolla Ali Äl-Sistani aña 240 keşedän torğan isemlek tözergä quşqan. Äl-Şahristani süzlärençä, Ğiraqnıñ Berläşkän Alliansı dip atalğan oyışmağa 20läp säyäsi törkem, xäräkät, firqälär, şul isäptän, şiği bulmağan partiälär dä keräçäk. Namzätlärneñ 30ğa yaqını Quşma Ştatlarğa qarşı köräşkän Moqtada Äs-Sadr tarafdarları, ämmä Äs-Sadr üze häm anıñ yaqın yärdämçeläre isemlektä yuq. 30 Ğinwarğa bilgelängän saylawlarda saylawçılar 275 keşedän torğan Milli Mäcles saylarğa tieş bulaçaq. Bu Mäcles yaña xökümät häm ilneñ yaña konstitutsiäsen yazaçaq törkem bilgelärgä tieş bulaçaq.
